係唔係睇私家醫生比政府醫院做產前檢查會準確度相比好好多??

如果你係指結構性超聲波... 應該係公立同係私家做都無分別... 因為其實公立醫院係整個懷孕期間只會同你check一次... 所以醫生都會check得好詳細... 呢方面你唔使擔心... 不過同時亦都係因為只有一次的關係... 如果你有乜問題就要即時問醫生... 之後就無"機會"o架啦... 哈哈

但如果你指的係平時的產檢... 咁當然係私家詳細好多啦... 政府始終人多.. 資源有限... 通常量高磅重量血壓之後... 個醫生會幫你摸肚... 姑娘幫你聽bb心跳... 如果無問題的話.. 五分鐘就唔使就趕你走了.... 而私家收錢o架嘛... 有問題可以慢慢問... 佢亦會"比較上"慢慢check... (不過其實我唸做的野其實都係差唔多.. 只係你有多d時間去問醫生問題o者)

我自己都係係公立醫院做產檢的... 聽人講... 遲d都要去私家check多幾次... 但主要係懷孕後期囉... 因為懷孕中後期bb會開始大得好快... 私家會幫你check埋bb size再重新決定個預產期... 會比政府一開始俾你果個準好多o架...

希望幫到你... ^^

其實檢查都差不多, 只是收費貴d, 我朋友找名醫, 每次約1,000元
但解釋清楚d, 詳細d 而且跟進好d
我朋友太太因妊娠嘔吐, 水腫 和 妊娠蛋白尿/糖尿
政府醫生只控制病情, 沒有藥物減輕孕婦不適感覺
私家醫生會安撫和比藥物舒緩孕婦妊娠不適
所以最少看1-2次私家醫生, 是需要的