北京遊一問 (20分)

先想請問令堂年紀如何, 平常有否做開晨運?? 如果體力 ok 既, 自由行也不是一個大問題. 去年我和 2 位快將 60 的朋友去北京, 他們健步如飛, 行得快過我依個 20 到尾的死靚仔...
香港的旅遊特色就係填鴨團. 將最多的行程迫到最少的日子上. 唔趕就出奇. 但這樣就失去了旅遊的意思, 相信你不是希望去到影幾張 "功課相" 就算數吧. 故天安門廣場可容納 10 萬人, 故宮的面積與它相若. 去年我由早上 9 點行到下午 4 點半才僅僅行完一圈故宮, 仲要飛緊幾 part tim... 你話一個早上可否行晒了... 地方是否算 "小" 呢??

如果令堂的身體還可以, 平常有做開晨運. 自由行應該不是問題. 因為你們可以按照她的身體條件去調節遊覽速度的. 跟團就一定要車上車落, 仲有購物景點... 浪費時間
沒有, 你可以自由進入 (當然要比入場費). 但市郊的長城及十三陵, 最好還是跟當地一天團, 只需百多元就包晒車錢, 入場, 午餐, 遊覽時間亦足夠, 抵到爆 !! 自己去都唔得啦. 早上 8 點集合, 然後先去十三陵參觀 1 小時半左右. 跟住就去左玉器市場購物半小時, 食飯半小時, 再出發去長城, 遊覽 2 小時. 大約 4 點回程, 途中再去兩家土特產小店. 當然我是一蚊也沒買過, 導遊也不會收小費, 加上講解清楚. 130 蚊真是超值. 回到北京約為 6 點半
唔知道, 我一向不跟團的. 但返大陸, 最好還是跟中旅的
同上. 一定會有加幅的. 現在普通的北京團大約為 2000 蚊, 你預佢地加到 3000 - 3500 左右啦. 但係自由行 package 一般都不會加得太多. 2006 年春節只加了我 200 元. 復活節不是國內假期, 應該不會太大影響
以下是我的舒適行程, 你可睇睇
第一日: 我 12 點香港機, 去到北京都 4 點了, 返到酒店 settle down 7 點. 冇左一日. 去左酒店對面的便宜坊烤鴨食晚飯. 之後去左王府井行左個轉
第二日: 天安門, 故宮, 9 點出發, 行到 4 點幾... 故宮超大, 行到腳軟. 晚飯都係去王府井攪掂, 順便係王府井小食街的金水橋旅行社報當地一日團去長城同十三陵 (130 人仔一位, 包一餐, 入場費同車費, 抵到爆 !!!)
第三日: 我去左天津呀....
第四日: 長城同十三陵. 7 點半集合, 一直玩到 6 點. 其間十三陵同長城加埋大約 5 個鐘, 車上時間 2 個鐘, 其餘時間當然帶你去買野, 咁當然我亦一蚊都冇用過啦 !!! 仲有係唔需要導遊費. 130蚊, 入場 + 車費都唔得啦 !!! 餐飯就差左 d, 將就住, 晚上返北京依餐勁好過...
第五日: 天安門睇升旗, 跟住返酒店, 因為我又係 12 點飛機, 所以 9 點就開始入機場,. 北京機場 check in 超亂 !!! 真係最好 3 - 4 小時前到呀, 我早 3 小時到, 只係剛剛好, 攪掂晒後已經開始上機了...
北京有咩好食

便宜坊烤鴨, 我覺得佢好似過全聚德 BOR... 隻鴨大隻到死, 5條友只係剛剛食得晒... 漕溜魚片超滑, 好正... 5條友, 350蚊埋單, 食到捧住走... 食飽仲可以過對面既大型新式商場行下... 正 !!! 地址: 崇文門外大街, 崇文門菜市場對面.. 崇文門地鐵站出左後向右望就見到, 搭係王府井打的去20蚊
花家怡園... 嘩, 超好食... 如果佢係香港開分店一定排晒長龍, 滔滔都行開 !! 我地5個人叫到成圍都係先係2舊幾水... 佢連一碗"擔擔面" 都好食過人架.. 死未... 地址: 東直門內大街235號... 好似24小時營業架 !!!... 不過搭的去啦, 行好遠先有地鐵... 王府井打的去30蚊
東來順唔駛去... 把屁 !!!! 香港88蚊任食仲好味 !!!

2007-03-08 01:34:16 補充：
紀念品1. 北京填鴨, 不少店舖會有真空包裝的熟鴨賣, 大約 40 - 60 蚊一隻. 但一 d 都唔好食 2. 北京地道小吃飽點, 如桂花糕, 煎餅的. 可到祟文門菜市場購買. 飽點斷斤賣. 幾好味架, 又平 3. 福娃... 個 5 隻野唔駛介紹了. 如果你去開故宮. 係乾清門向右行約 3 分鐘, 有座門入面有間小小福娃禮品店. 一條 ok 樣子的電話繩要 18 蚊, 一套公仔 238 人仔... 好貴

2007-03-08 01:34:29 補充：
4. 馬聚源的帽子 5. 瑞蚨祥的絲綢衣服 6. 內聯陞的繡花鞋 (以上 3 家為北京老店) 7. 故宮的紀念品 8. 長城的紀念品, 不過質素參差其餘物品, 沒有特別, 可以慳返...

2007-03-08 01:38:55 補充：
(1) 係晚上，北京街頭既店舖或食市通常幾點鐘收檔架？ 如果係王府井附近,, 大約 9 點半開始會陸續關門, 10 點左右收晒架啦. 但東華門夜市 (食野) 就大約 12 點先收檔(2) 如果晚上好早收市，可以建議我地係酒店浸溫泉or出外邊度行下呢？(危險嗎) 北京治安不差, 但入夜後比較靜, 要行街都係留返係王府井, 三里屯, 後海等附近地方二(3) 「涮羊肉」同埋「北京填鴨」，可以係邊度食度呀？好食嗎？ 填鴨請 refer to 上面的答案. 涮羊肉係王府井大街已經有東來順了... 但勸你不用去了.. 唔好食的

2007-03-08 01:40:46 補充：
在北京, 天子腳下, 治安豈會兒戲... 如果想自由行, 只要錢財不露眼, 大可放 100 個心的.

呢度既公投係一個唔多公平既選舉！
所以就算幾難做決定，我都會考慮耐d黎選最佳答案者！
今次希望各位能夠體諒我既決定啦！thanks :)

你可以參加康泰旅行社的YO2靈活自主團, 咁就可以享有旅行團同自由行的優點於一身.
所謂YO2是現時旅行社最新推出的一些導覽式旅行團, 是結合左旅行團同自由行的優點. 佢有旅行團先有的三十萬平安保險, 有24小時廣東話緊急支援熱線,唔收小費, 雖然無領隊, 但去程會有專責人員於機場代辦check in手續, 到北京機場後, 導遊會手持"康泰靈活自主團YO2"紙牌, 係出口對面的"肯德基"門前等你.
至於行程方面, 個導遊接左你後, 會帶你行7-9小時的行程, 包括長城(居庸關), 寳樹堂, 十三陵(定陵), 同仁堂, 仲包一餐午餐, 並介紹當地的風土人情, 而你亦可藉此查詢一些你唔明的問題, 方便你往後幾日的活動. 然後導遊會帶你回酒店check in, 當所有手續辦妥後, 佢才會離開.往後幾日就完全無行程, 無導遊, 想去邊有咩行程則由你自己決定, 与自由行無異, 咁到時你就可自由安排行程了!
如果你到時都係想參加旅行團的話, 佢有一些自費項目, 到時你再參加都得, 又或者你可俾你嗎咪參加, 而你同你阿哥就自由行, 咁你既可以撇低你阿媽同你阿哥去玩, 但又有導遊照顧住你阿媽, 唔使你擔心, 而你阿媽又有節目, 呢d自費節目2人就成團了, 非常方便.
現時康泰推出的北京YO2有2種, 一種係PIT04-YOB, 坐港龍, 去程08:05起飛, 回程18:10起飛, 21:55到港, 早去晚返, 住4星級國貿飯店, 另一個係PID04-YOA, 坐南方, 去程11:15起飛, 回程16:45起飛, 20:10到港, 都係早去晚返, 住5星京港新世界大酒店. 2個團的航班同酒店都唔錯.
當然最最最緊要係佢比自由行平, 而且2人就成團了, 真值得考慮!

2007-03-07 22:41:23 補充：
北京的名勝古蹟都不需一定要導遊帶, 你只要買飛入去就得了.至於必去名勝除有以上YO2包的長城和十三陵之外, 仲有頤和園, 故宫, 天安門廣場, 天壇, 圓明圓, 什刹海酒吧街等....

2007-03-16 02:52:14 補充：
你好! 我己用"向發間者查詢"方式將答案發左俾你, 如你再看不到請再問俾我:另外, 北京街頭食檔一般九點幾十點就收, 溫泉酒店一般在郊外, 很偏僻的, 就算你出去都無野食, 但酒店入面有餐廳, 開到好夜, 不用擔心, 涮羊肉在北京好普遍, 都差不多, 没話特別邊間最好食, 北京填鴨則在"全聚德"最出名, 希望幫到你, 唔明再問我.

1.有老人家還是參團好,因北京實在太大,去一個景區,已要轉幾次車,
2.北京名勝古蹟不用一定要導遊帶入,只是有導遊講解會有興趣得多,及地方大,有人帶,不會迷途!
3 其實間間差不多,所謂一分錢一分貨,要住好食好,安排週到,錢是不可少,選信譽好的!
4 同上
5 北京名勝有很多,天安門和故宮是在同一地區,長城,頤和園,很多博物館都值得去,你參團基本上大路地方都會帶你去!

到北京旅行只數天，減去頭尾搭飛機時間，其實只有三四天左右，僅夠時間到一些市內或近郊的景點旅行，由於你有兩兄妹（弟）和媽媽一同去，加上北京交通方便，市內搭的士並不貴（三個人更抵），地鐵亦甚方便，故我個人認為你們採自由行方式較適合．
＊我早一年先參加五天旅行團，之後留低玩多四天，跟團好似方便，但你想留耐一點的地方不夠時間看，你不想到的地方卻很多，反而後來留下的四天在市內玩得更開心．

1.你可以選擇住在一些鄰近地鐵站或旺區如王府井大街的酒店，出入會十分方便．
2.必到名勝介紹(順序)：
a.長城+十三陵（不少酒店有一日團，較方便，不用自行搭車）
b.天安門+故宮+景山+北海公園(如故宮留得太耐可取消)+晚上到王府井大街
c.頤和園
d.天壇
e.胡同遊
3.每個景點都要收入場費，費用都唔平，跟團多數包埋，但通常都可以自由行．
4.復活節假不是內地假期，故加價幅度沒有新年般厲害，通常五日團收約$3500至5200不等，視乎住何酒店及食甚麼，個人一向認為跟團是撞彩，視乎當地帶團的導遊安排，因為香港的團都是交內地接待單位，不如跟據團單列出的行程、酒店級數等考慮．

2007-03-08 17:06:39 補充：
1.王府井一帶同三里屯等都幾晏2.在旺區出街行下應冇問題3.東來順已成為連鎖店般,水準麻麻,食涮羊肉介紹你到西直門外大街德寶新園20號，電話：68311365,的惠豐老北京涮肉店,價格相宜抵食,風味好,但好多人要訂位穩陣點,另其烤羊肉亦一流,烤鴨就全聚德好的,但又是人山人海