有無人可以話比我知,我讀唔讀到會計,同埋會唔會太遲...

讀書嚟講冇話遲唔遲既分別，至於你讀唔讀到呢個問題亦都好難答你，因為我並唔知道你既程度。你就快21歲，讀到中三之後冇讀書，不妨去報ive既基礎文憑。或者報毅進，依兩個都能夠為你繼續進修打下良好根基。完成咗任何一個課程之後，你就可以報一個四年制既高級文憑，報讀第二級別。完成之後如果想再進修仲有機會入大學添，所以我覺得都幾好。至於喺讀完之後搵唔搵到份好工就真係靠你既造化，因為每個人既際遇都唔同，有啲人讀好多書都搵唔到食，亦有啲人冇咩學歷就可以搵到錢，要視乎工種同埋社會既大勢。記住一點，人工既多少係取決於供求既問題；中國人既社會係好講關係，至於讀書就一定有用，但係都唔好祈望咁大，而家出面通街都話有學位。首先要講清楚既就係讀完書張沙紙你當佢係一張入場卷就得喇。因為見工嗰陣啲人唔會知你有幾做得野，所以佢地會用學歷同工作經驗黎定請人既準則，仲有面試嗰陣既臨場反應，見工嗰陣有學歷絕對有優勢。到入咗去公司入面做野就好睇你既人緣、工作表現、做野醒唔醒；但係到你人工加到咁上下，或者職位升到某一個位置之後，又會睇返你既學歷去到邊而升到你去邊。大公司就係有啲咁既規矩，細公司就冇大公司咁著重學歷。現今既香港競爭真係好大，所以好多人都想盡辦法去增值自己，亦因為咁樣，如果唔去進修既話好容易被社會淘汰。除非你比其他人都好運，但係運氣並唔會跟任何一個人一世。所以努力為自己未來增值我好支持，一齊努力~

我覺得你想去讀書 一d都吾遲 你20歲姐
人生仲有好長的路要行 難得你想讀書 進修
有目標是好事
反而你怎樣去做才實際
建議你先去報一些基礎班先
以前的一位巳有提供
適應後才再讀會計
競爭大 也可以慢慢讀 一路讀一路做
可能人工會比較低 都好過被人淘汰

你好！本人是一位現時就讀會計的人，並且我的年齡約二十至三十歲。我不會因為自己年紀較大，而不會學習其他東西（學術），所以到現時來說，我絕不會放棄任何一個好的學習機會。現在的社會，人與人之間的競爭能力是很大，稍有差池，你們可能被淘汰。同時，「終身學習」是現實社會必然的趨勢。
你只有一種「有心不怕遲」這種感覺，你就會自然在學習階段不會感到有很大壓力，並且可能對將來找了一份理想的工作。學習是不理會你的年紀、性別及種族等等。只有你有一份毅力及熱心積極奮鬥的精神，自然有美好的人生。請你放心吧！
請你繼續努力，我會支持你！