香港乘車到廣州

1. 你可以乘 直通火車紅磡到廣州東站之後 转乘地铁1号线到陵园西路站下车

直通火車車程約1:45 分

查詢電話 : 2882 8193


2. 到深圳乘火車到廣州東站 之後 转乘地铁1号线到陵园西路站下车


3. 乘直通巴士從香港到 中國大酒店
http://ctsbus.hkcts.com/routes/dt-guangzhou.htm

之後在公園前站 转乘地铁1号线到陵园西路站下车

其實依家香港直通廣州的巴士主要由以下幾家公司經營：
中旅、環島大陸通、永東
粵港、深華粵海
即使號稱「直巴」，轉唔轉車都要睇公司決定，
比如中旅，人少時，佢會將去廣州同去東莞既合併一車，去到皇崗或者文錦渡再分為兩車。
比如粵港同永東，你直情可以係觀塘或者佐敦乘佢既跨境快線
然後去到皇崗轉大陸車。
而環島大陸通由廣州出發, 返到皇崗, 又俾你轉乘去不同目的地的車，比如太子或者灣仔。
但轉車唔代表唔好喎，公司車多，可以因應交通狀況調動車輛是一件好事，好有彈性，比如前面提到可以乘跨境快線轉乘，根本十五分鐘實有一班車，去到皇崗, 半小時就有一班車上廣州。
比如中旅，車次勁多，半小時一班上廣州，司機互相之間有照應，試過有一次廣深高速塞車，前車司機通知我地車司機，得以繞路行駛，繞過塞車。
而且就算是大陸車，好多時都會搵香港司機去開車，方便照顧乘客，好安全唔使擔心。而且依家d大陸車仲舒服過香港車 (榮利除外, 不過佢都無線路上廣州 )，香港車49座位，大陸車45座位，好闊落！
我個人推介你係柯士甸道跨境快線買粵港巴士飛，80蚊一張，最經濟，去到皇崗轉車45分鐘一班車，1小時30分鐘去到廣州暨南大學, 之後停花園酒店同東方賓館，全約2小時。
或者中旅巴士，人丁興盛，服務最週到，單買一張飛，100元，太子或者旺角上車，一小時一班，全程約3~3.5小時到廣州，行文錦渡轉車，不會塞車，可能轉車可能不轉，安全系數最高。(我幫襯佢套票, 80蚊一張)，去到廣州停暨南大學、中國大酒店、華廈賓館。
如果你唔想轉車，可以搭「深華粵海」，佢唔使轉車，但每日得四班車來往廣州，路上有咩事，真係叫天天不應，叫地地不靈，而且佢個司機不是咁熟路，有次廣州改道，要靠我指條路俾司機行。
我唔建議搭火車，除非是$230的直通火車。因為深圳至廣州，人流複雜，買飛加上等都要浪費差不多半小時間，而且火車上真係好臭, 又龍蛇混雜，好似好唔安全咁！而且火車去到火車東站，又係比較雜，果度截的士都比較難，要截好耐。
p.s. 俾個廣州截的士小tips
首選黃色(廣駿)，次選紅色(廣州交通集團)同藍色(白雲)，呢三間公司最可信，綠色同金色盡量不要選，咁至不會俾人呃
你乘地鐵在列士陵園站下車，往前走是陵園西路，至於門牌號就不清錯！