10分[急]關於告老闆娘一問！好急的！

我家姐做一間美容院，
佢老闆娘成日扣糧，如唔化妝要扣10蚊之類等等，
尋日朝早我媽咪同左佢老闆娘講..話我細佬o係果度補習，
當時佢話收50蚊，並話如果有人黎接我細佬就可以隨時走。
到尋日下就，佢話要收500蚊，
之後我即刻去接我細佬，
並到美容院想同佢老闆娘講唔駛再補，
佢老闆娘唔o係度，我叫左個經理，
我同佢講，麻煩佢轉告比老闆娘聽，
我細佬以後唔o係果度補習，
果一小時既補習費可以在我家姐份糧度扣，
但如果佢多扣，我保留追究權利..
佢經理好嬲咁話返我：今朝我聽到我老闆娘就係同你阿媽講既，
就算係都唔係你黎講，我老闆娘而家唔係度，你等佢係度先再講！
而家你有無問題？
我：Ok咁我等佢返黎我下次搵佢！
到今日，個老闆娘話要我道歉，先肯比我家姐返工，唔係就炒佢。
我家姐打去問佢如果我唔去道歉咁佢d糧點，(聽日出糧日)
個老闆娘話，就算唔係我，我家姐o係上班時間比我接走我細佬係佢失職，
所以都唔駛再返。
仲有，個老闆娘話佢老公姓鄧，黑白兩道都識..
搞到我好驚..
佢咁樣算唔算無理解僱？
如果我家姐去告佢，得唔得？告唔告得？