有關衰十一??同大肚既解決方法....(10分)

18歲以下人仕不論o係公立, 私家醫院, 家計會做終止懷孕手術都係一定要家長/監護人以及兩位註冊醫生簽署先得ga...

如果你係香港居民去公立醫院做就幾百蚊, 但係醫院有可能會通知警方, 因為你男友衰十一, 你未成年墮胎亦都唔合法~ 咁如果你打算去瑪麗做我建議你去d外科醫生度睇左先, 佢同你驗, 你同佢講你唔打算要, 叫佢寫轉介信俾你, 你拎住轉介信去就會快d, 當然醫生都會根據你個肚幾大啦, 佢地會幫你o係個肚4個月大之前做手術, 排期時間最快就由見左醫生數大約一個月或者鬆d啦, 所以你係去就要快d喇, 因為點都要等一個月度ga, 好似係逢星期二, 四定二五ga(你打去問, 佢唔係日日都有), 咁早上9點佢開門就要去ga la, 因為好多人 (會用局部性麻醉幫你做)

如果你去私家醫院做就$20000左右, 會好秘密, 無人知gei, 佢地唔會報警, 不過唔係間間都有, 所有教會醫院都無呢個手術做gei (會用全身麻醉幫你做)

如果去家計會就好似二千蚊左右啦, 都唔會報警gei, 可以choose o係家計會度做或者叫佢轉介都得, 灣仔o個間有得做, 個女醫生就好熟手gei, 不過就好粗老...=.= (都係局部性麻醉做)

最後mother choice你就唔洗唸喇, 因為佢地係唔鼓勵墮胎, 會提議你生出黎, 如果唔要就俾人領養, 你去佢就叫你返屋企唸下, 咁唸下唸下都唔洗落啦, 所以唔洗考慮...

希望幫到你...以後要安全喇, 仲有呀, 唔好唸住落左一次, 無咁易中第二次, 你依家呢個年齡係最適合bb生長gei時期, 亦都血氣方剛, 特別易中ga, 信我啦~只有媽咪幫到你ga咋 .

如果你想到家計會去的話，你可以致電有關的中心查詢或預約：

青 少 年 保 健 中 心 預 約 電 話
灣 仔
2575-4799
旺 角
2770-4994
荃 灣
2443-2773

會~與未成年少女非法性交~係警察告你，但如對方父母/監護人唔告你，刑罰有機會輕啲。
落仔必定對身體有影響，個個人體質唔同，仲要睇落嘅時候做得好唔好。
未夠16歲，只要父母/監護人決定俾個女生就可以生，佢哋亦可簽紙喺香港合法落仔。