有關學渣車....

駕駛學校, 應該香港駕駛學院教法正統 d.合格率高 d.
師父就好難講, 因為香港駕駛學院無得揀, 其他駕駛學校是介紹給你, 如果你有朋友學過, 覺得好, 介紹比你會好 d, 因為在此問, 會有賣廣告之嫌.
考左棍波就可以楂自動波, 但考自動波就唔可以楂棍波
最快先排筆試, 約一個月, 合格後再排路試, 大約二個月, 你就在兩個月內學車, 如果一次pass, 最快約三個月後就有車牌, 詳情可看運輸署網頁.

廣告賣三千幾/ 千幾都會只係顯示學費,但不包括運輸署文件費用,和 租車考試費.
比個大約總數你呀

李x駕駛學校 : 價錢 約$3500 考私家車/輕型貨車, 16堂,每堂45 分鐘,一定要兩堂一齊上,
合格比例約 75 % 考試地點跟運輸署抽籤,補鐘約 $130

駕駛學院 (香港區) 價錢約 $7800 , 考私家車/輕型貨車, 25堂,每堂55 分鐘,可以一堂/兩堂上
合格比例約 85 %,但小心會屈你買補鐘, 考試地點,固定 補鐘約 $250

駕駛學院 (觀塘區) 考私家車/輕型貨車, 約 $5600 25堂,每堂55 分鐘,可以1/2/3 堂上
合格比例約 80 % 考試地點,固定(只限觀塘區),補鐘約 $230

合格咗係可以去到外國都可以駕駛,到時你可以到運輸署申請國際駕駛執照,
大約 $180 一年.


學車流程,第一筆試
筆試會考D咩,20 條MC ,3 選 1, 考20 分鐘
20 條最多可以 錯4 條, (主要考一些道路標籤和法例,)

當你合格左第一part 後,會有泊位試 ,和路試

泊位試 會考泊 s 位,三手軚掉頭,斜頭開車和停車,
(lee 個主要考你,對車既基本操控,)

路試,會叫你行考試路線一次
(主要考你應變能力)

如果無問題就一take 過pass 啦.

如果你係駕駛學院學,係泊位試,路試, 分開兩日考,
但駕駛學院分開考,會專注多d ,壓力少d

但係你係駕駛學校學,泊位試,路試係同一日考,
好既就係你抽小一日出來考試,但時間相比不大