落妝既問題..*

用清水只可以清潔你面部表面的部份污垢，其他的例如油脂分泌就並不是可以用清水洗去。面部的油脂污垢是屬油性的，而潔面用品通常係鹼性的，油 + 鹼 = 中 ，(皮膚屬微酸性，所以洗完面之後要用不同的護膚品，平衡面部的酸鹼度)所以清潔皮膚一定要用清潔的用品，否則，面部會因毛孔閉塞而令皮膚出現不同的問題。
落妝水 / 落妝油 ：同洗面的道理一樣，要落妝落得乾淨，就一定要用適合的清潔用品。化妝品(尤其是防水的)是屬油溶性的，用落妝水/落妝油的原理係中和化妝品，從面部表面溶解，再用水洗走。
如果清水可以完全清洗乾淨個妝，咁... 個妝咪定唔到，容易溶&唔防水，落雨或大汗咪唔得掂?!
至於落眼妝 & 面妝的落妝水/油有咩唔同呢? 其實大致上差不多，但當於眼部比面部的皮薄d&脆弱，所以有d牌子會分開兩種，但有d牌子好明白有些人的確太怕煩,而只出一隻可以眼面兼用的，比較方便。
仲有，就算你冇化妝而只係 '查' 左防晒，都要落妝的，因為防晒同化妝品一樣係把你的面部與外界隔絕，所以防晒品的質地化妝品冇大分別
如果要keep 住皮膚好d，就不要懶及慳啦!

我本身用過3種不同的落妝水&油, 介紹俾你丫~

1. fanxxx houxx
用植物油提煉, 以油溶油,
可用以全面落妝,
如有用睫毛液要bumb3下來落妝,
用完後皮膚很爽~
(不過要用水再過, 唔係咁方便)
$168 X 1, $300 X 2

2. DHx
也是用植物油提煉, 以油溶油,
可用以全面落妝,
不過用完落妝油後,
一定要再用自己的洗面產品再洗面,
有一點點麻煩!
$230(200ml)

3. H2O
唔係容祖兒賣廣告o個個牌子wor,
呢個牌子是落妝水,
萬寧獨家發售,
第2度無得賣架~
佢都一樣係標榜用植物提煉,
不過佢的用法是:
只需要用落妝水沾濕棉花,
再輕拭面頰就可以了,
最好是你用完落妝水之後,
就不用再過水,
可直接再用護膚品喇~
如果你無化妝,
用呢隻落妝水可以當洗面,
洗去你面上o既油污,
聽講...仲有護膚功效tim~
(呢隻牌子, 傳明憲o係雜誌都有介紹人用呢隻牌子架)
$298(250ml)

以上3種落妝產品都適合任何皮膚使用,
不過本人就特別推介落妝水,
因方便又快捷~

希望幫到你啦~ ^﹏@"

如果你個base係一d 遇水都不溶的話, 咁你個個係油性粉底.
油性粉底的話, 用落妝油會比較好
其實, 落妝油中主要的成份,是 油 同 乳化劑, 落妝油中的乳化劑,會溶解你面上的油份(例如油性的妝或粉底),之後, 在你沖水的時候, 乳化劑就會把水同油結合成乳化物, 讓水可以把油份沖走.
而落妝水,主要就係靠表面活性劑 (即係洗潔精去油份的個種物質,不過係可以用在面部皮膚上的表面活性劑) 來沖走你面上的油份.
講到潔油效果, 就是乳化劑比表面活性劑好啦!

如果用落妝油御妝，我會推介fancl，佢的落妝油真係唔錯，乾淨同用得放心，$168一支, $300/2支(試下問身有無朋友係會員而且有9折或85折，更平)。乾手乾面，份量是按2-3下，搽在面上按圈，然後加水，面上的油就會乳化變白，沖洗乾淨就OK，好簡單。 (詳情可於購買時問FANCL SALE)

個人覺得DHC同SHU的落妝油都比較厚身，我用SHU就會敏感(其實都聽好多人講過，有D人用到都會敏感，我用第一次SAMPLE已經出事，用左3次，我唔係日日都化妝，所以唔係接住3日都用，係分開3次用，3次都敏感係眼位出粒粒。)眼部位會出粒粒，不過過幾日都會退返(但都驚唔退架…)。而DHC的油我覺得比較厚身，難清洗乾淨，但純粹只是我個人有此感覺。

如果唔喜歡用油，我都試過ORBIS隻OIL CUT 落妝GEL，都好OK好乾淨，用完唔會太乾。

無論用油定用GEL落妝，用完之後最好用返自己的潔面產品洗多次面，徹底D清洗乾淨剛才的落妝產品。

個人認為落妝油會比水或GEL乾淨，純粹個人經驗之談。但無論用咩都好，唔好用死一隻品牌或產品，同一隻BRAND AND PRODUCT用得太耐會開始無反應失效，用完1-2支就轉下第二隻BRAND，所以最好就搵到2隻岩自己用，可供自己轉換而又不敏感。

用落妝油洗啦, 好多防水既化妝品都洗到.... fancl, shumera, DHC,............等等都可以試

正確方法: 隻手一定唔可以濕水, 將d油按摩咁按面, 眼就按耐d, 按到軟身就可以沖水........咁就攪掂

落妝水係用棉抹面, 抹到你覺得ok為止. 我自己就覺得落妝油方便, 一次過可以落妝