剛買 2 手居屋 , 想裝修 , 有冇好介紹呀 ?

在你裝修前請先預算能拿多少錢作budget，因最好一次過做好你所需的要求，舉個例，起初你發覺廚房沒甚麽大問題，所以只做浴室、客飯廳及房間，但入伙後卻又發現廚房不襯你其他配搭，或者初時看不到弊處需修補而要重多作一次裝修，那就很麻煩，因要搬開所有雜物及傢俬給師傅再做，那時又會弄到一屋灰塵要清潔，牆身又會給他弄花，是一件很頭痛的事，所以一定要觀察屋子情況好壞再作打算。至於價錢方面就看你的裝修情度，如你所說之面積做基本工程，油乳膠漆及剷底線灰，再加防潮油全屋約一萬左右，地台約一萬多(不包磚)，浴室及廚房各一萬多(不包磗)，牆磗及地磚是要你自己選，由十多元至四十多元一塊不等，如選的是一般價錢做晒全屋約八仟多元，窗及門如要全換就要加多一萬，我想你要做全屋翻新連工包料一定不少於八萬。一般裝修會分三期付款，第一期是比訂，因師傅要買料及約泥水工人做嘢(即先做地台)，待地磗及牆磗做好後師傅就會收第二期訂，因開始做油漆，做完油漆後基本全屋應已差不多做好，師傅做埋手尾(例如換龍頭或電工)就會交屋給你兼收尾數，記住每收你一期訂就最好檢查妥當才可付，因叫師傅再翻手約工人去做會擔悟時間，不需付任何茶錢給師傅，因做得好是他本份，做得不好就叫他再修，你是消費者有權作合理要求。裝修公司如沒有人介紹就最好在附近屋苑揀選，因涉及保養與信譽保證，萬一有甚麽十萬火急有嘢維修，他會較快約到時間幫你做。最後，在進行前先叫兩三間裝修公司作上門報價(不收費用)，如選到後就要去你所屬屋苑管理處作裝修登記，因管理處要收取你裝修保證金及工人工作證才會批准施工，待完成後會發還給你，以上資料只供你參考，因價錢是乎你所選的料及做些甚麽，希望你間屋可以裝得舒舒服服！

通常都係一條大數計曬
你亦可先付小量訂金，完工後覺得冇問題合你心水才付尾數
至於駛唔駛刷D師傅鞋，其實唔都唔需要，佢地都想做好D等你介紹D客比佢係咪？

你可以試下呢個95593884石生 都幾好或可給你多作一個參考

你可以試我用開嗰個, 佢會話俾你知如何安排或佢幫你, 而且設計ok交貨期準, 手工好, 我公司同幾個朋友用佢都讚好, 免費上門度尺報價, 你有興趣可以e-mai比我我比佢contact你 :)

http://d4home.com/decoration/pricelist.html
到上面參考下啲價:

揾師傅比較,問多幾間都識多啲,好多選擇:
http://www.d4home.com/designer.html

我剛剛做完全屋裝修，都係5XX呎又係居屋，比的意見。
8 年樓居屋我睇除左油返靚幅牆同舖好個地，最好換晒來去水喉同鋁窗。十年前起樓的水喉未必用銅喉，何況將軍澳地區有沉降，最好換啦。鋁窗就視乎現在情況，你可以測試下的膠邊有冇硬化，開關窗時有冇聲，開關有冇鎖唔實，室內框邊有冇水印，室外框邊有冇離(用鏡睇)等等。總之試晒所有窗後，你覺得可以用多十年都冇問題，咁就唔洗換。
至於你其他問題，就等於你問"點樣做全屋裝修"。依次序：
1. 要決定自已有冇足夠的時間、耐性同體力。如果冇，最好找一間設計連裝修公司一手包辨，又有圖則又有管理，不過就要考慮第二點。
2. 要知道想用同可以用幾多錢。全屋做連門窗及水喉唔連傢俬電器大約15~20萬。你可以同時想下大約要做幾多野，跟著問一兩間裝修公司大約咩價錢，咁就心中有數。
3. 如果有時間，就去旺角睇下D門、浴室、牆紙、廚櫃、地板或磚等等。問下換鋁窗幾$，問之前最好自已有圖有尺吋。
4.當你問問下睇睇下，你就不知不覺間知道九成想點裝修。係時候真正去找裝修公司佈價。記住佈價要逐樣計同個個裝修公司佈價的item都要一樣如果唔係你好難做比較，仲要每個item都要寫清楚包d乜唔包d乜同做d乜。比喻換房門：料包唔包門、門框、門鉸、鎖及門頂，如果包咁價錢包到幾多，又可唔可以自已選。人工包唔包上色、搬運、收口等等。不過大多裝修公司都唔會寫得咁長細的，咁就下一個point.
5.比較佈價。裝修公司好唔好係冇準則的，我覺得一係要好熟(要係自已或好朋友相識好久個種)，二要近間屋，最好在屋村商場有店鋪，三就要價錢平。比較時要睇相同items同總和，唔好只睇佈價單的總數，因可能item有分別。最後選兩間公司，之後就從新加減item及內容，之後叫佢地再佈價。咁你就會找到最合你要求同最合理價錢。好多裝修公司覺得你煩唔再理你，咁表示佢地冇你單工程都冇繄要，咁佢點會繄將去做。可能連你自已都覺得煩，所以第一點係最重要的。不過我覺得間屋自已住，而且可能十年後至會做第二次，日日都對住，唔煩點得。
我間屋住左十三年，我三年前開始想裝修，最後用左三個月做準備，用左個半月做工程。所以第6點至第99點，冇辦法可以講晒。
最後送你一句、睇多D問多D聽多D同唔好覺得唔好意思。
如果真係想知道第6點至第99點，可以send email比我 [email protected] 。

2007-03-08 15:13:23 補充：
我唔係裝修公司。^v^

-.-咁樣問好容易比呢到既獅子老虎當水魚架
問完價post上黎比各位參考下啦
都係個句平唔係最好的.........
需要難尾工程汁手尾同法律意見可以搵我
我做裝修的，專幫客追裝修公司數同上庭的~o~

我識個師父做開將軍澳,富寧,富康,唐明,
你可以打电話比佢間問下价,無所謂,比較下,
佢都好nice.佢叫亞sam 23286120或e,mail:
[email protected]