如何製造話題?

其實平時多d留意報紙新聞趣聞或者娛樂版,電視電影明星趣事咁就有話題啦!
但係你又唔能夠講d人地完全唔識d野或者佢地無興趣d野,否則變成你有你講,人地都唔理你走開嫁!
最好講佢地喜歡講的話題,但你又知道得多一d佢地唔知的東西,咁先會吸引.所以要靠平時留心記得d趣聞趣事同人講起就有用囉!
另外主動d同人打招呼,唔識都可以微笑點頭講句,返學呀?放學呀?去邊食飯呀?之類應酬說話,自然給人有親切感,容易識多d朋友咯!
有時可以順住對方的話題,自己唔識就向佢請教等佢講,問呢樣點呀?果樣又點呀?唔講我都唔知呀?咁大家咪有野傾啦!
最重要令對方覺得係尊重佢先會問,佢自然會好開心同你講多d,仲當你係好朋友添!
基本以上幾點如果靈活運用的話,一定容易識朋友及受人歡迎呀!