泊私家車睇位問題

首先你要忘記在學車時學的手勢同口訣, 學車時學的只 for 你考牌用的, 很 sorry, 出黎路面係第二個世界...

泊車最要留意架車既 "空間感" , 需知道你要將一個長方體(你架車)泊入一個大冇幾多既長方形中, 當中要人車同時配合才可...

預備功夫 :
新學泊車不要用泊車雷達,電視等... 也不要請耐性不足的朋友幫你(呢類朋友只會令你更加失去信心, 越學越差).

正題 :
第一步, 多練習
搵個前後冇車冇人既停車場苦練, 記緊要 "車慢軚快" , S 同 L位都要練, 練習時請留意架車會因你囉不同軚而行走不同方向, 感覺一下架車o既"空間感", 當然因為前後冇車, 你大可放心練, 超越泊車位都唔駛驚.... 每次泊好車都落一落車睇下成積...

第二步, 模擬實戰
搵障礙物(雪糕筒, 掃把等)放係格離車位頂角扮有車

L 位
將車微微斜向右(45度)駛到剛少少超前泊車位(當然駛到同車位成 90度角都得啦, 考車時係o甘嘛), 開始回左軚倒後,留意右車頭有無障礙, 主要望左後鏡留心左車尾同地上左車位線要慢慢變成平行, 一路上, 快速 double check 中後鏡, 右後鏡, 右車頭有無超越泊車位/ 接近障礙物, 一手軚唔得, 囉右軚前再倒後 ----> 成功 !

左S 位
將車駛到剛少少超前泊車位, 開始囉左軚令車斜入倒後, 留意左車身有無超越泊車位/ 接近障礙物, 主要望右後鏡留心右車尾轆超越地上車位線要開始回右軚, 快速 double check 中後鏡, 左後鏡, 左車頭有無超越泊車位/ 接近障礙物, 一手軚唔得, 囉右軚向前再試一次 ----> 成功 !

右S 位
將車駛到剛少少超前泊車位, 囉右軚令車斜入倒後, 主要望左後鏡留心左車尾轆超越地上車位線要開始回左軚, 留意右車頭有無超越泊車位/ 接近障礙物, 快速 double check 中後鏡, 左後鏡, 一手軚唔得, 囉左軚向前再試一次 ----> 成功 !

車尾有煞車燈，只要輕踩煞車，紅燈會亮，照射在後方的物件，可以此方法去判斷距離