想投考警察~問題

其實同等學歷，即係讀完毅進，當五科合格，你果個diploma，如果係政府認可的機構讀返來都可以承認，e.g. IVE.

正式來講有2次Interview:

1st: 考體能、同會有一個group discussion，基本上即刻可以知道自己入唔入到2nd interview. 如果佢叫你返屋企等，咁就已經係失敗左。

2nd: 會有短片睇，之後會要你答d問題，總會單獨見interviewer，佢會問你一d問題，例如點解要做警察等等。亦都係即刻就知得唔得，如果得佢會叫你打手印，叫你返屋企等，又即係等於唔得。

之後會做人格審查，有長有短，視乎你屋企人的複雜程度，快可以一個月內，慢可以半年，如果你返學冇乜特別野，咁就會快d查完，咁就會安排你入學堂架啦!!雖然好多人都以為到哩個部分都冇問題，但係我有朋友，因為record差，到哩到都入唔到學堂，咁就再考都冇用架啦。

升職，係警察部一d都唔容易，有d做左十幾廿年都係一個警員，到十八年就會比你一柴"即係高級警察，咁就冇機會升做沙展或以上職級，即使要升沙展，都唔係易事，起碼要做六至八年先有機會升職。

而家有唔少學歷高人士投考警察，大學生都唔少，如果你要有升職機會，你要諗辦法充實自己，如果唔係就算考到，都只可以做警員一世，又好難轉行!!

2007-03-06 14:56:58 補充：
警察係全年都接受應徵:http://hkucsb.hku.hk:8080/advertsys/allvacancyC.html警察職級: http://hk.knowledge.yahoo.com/question/?qid=7006100202405