係唔係大部份男仔都冇乜情趣?

唔一定，每個人都唔同，即係睇星座都有講唔同人有唔同性格，有鐘意情趣，有鐘意寧靜，有鐘意浪漫等等都唔同。
但其實如果一個男仔真心去愛一個女仔，多多少少都會有少少情趣做到出黎，例如：追求果刻一定會有
生日或節日都可能會製造少少出黎

浪漫其實都幾高難度，因為都要睇返另一伴是否滿意先可以介定有冇製造出浪漫。每人價值觀同性格都唔同好難要求到的。

都唔係ge
只係個別姐
不過有點有情趣ge人
反而會為左鐘意ge人去製造浪漫

其實哩D 野係一個個人架咋....
如果男仔真係冇乜情趣, 咁你都唔會見到乜野情人節, 乜野週年紀念, 乜野生日D 餐廳人山人海, 一人拎住一紮花啦...
不過, 男仔既情趣同浪漫同女仔又可能會唔同, 唔同既人可能又會唔同...
不過哩D 真係一個個人, 而且你本身既浪漫又係乜野呢?
比如話, 你覺得兩個人向海灘漫步好浪漫, 但係個男仔覺得要去到高級餐廳Candle night dinner 先係浪漫.....咁個男仔做D 乜, 你都唔會覺得個男仔係好浪漫架喎
大部份既男仔鍾意一個女仔既時候, 盡量都會去達成個女仔既要求, 而根據哩D 要求, 個男仔就會花心思去製造唔同既浪漫.....當然, 時間耐左, 年紀大左, 熱情都可能會減退... 不過,咁樣都唔等於浪漫不再, 只要兩個人係互相愛慕對方既, 無時無刻都可以好浪漫...

一般有情趣嘅男人,在開頭都好有心思去追心儀對象,不過追到之後,結婚之後都會減少佐情趣,要長久都有情趣,其實都幾難。