情侶問題，請大家幫幫手

雖然情侶每天都想和對方聯絡, 但係我想多數係女仔希望男仔日日, 怎至無時無刻都會打電話比自己, 禁樣代表佢掛住你愛你. 以我經驗來說，男仔未必係禁想, 佢地雖然都會希望多d同自己愛嘅人聯絡, 去關心她, 但未必一定係日日怎至無時無刻打電話比對方，佢地會覺得愛對方係心就已經足夠，總之有打電話就代表掛住對方, 唔一定係日日打, 怎至一日打好多次。而女仔就會希望愛嘅人會打好多電話比自己，禁樣先會覺得對方愛自己掛住自己。其實打幾多電話係無量度單位，打電話係應該係重質不重量，如果次次打黎都無野講，收得多都會無味，反而增加猜疑和爭咬的機會。我想最重要係雙方的溝通，女仔可以把自己希望多d收到對方消息的意願告知男仔，但同時亦要明白男仔未必好似女仔想法一樣，而男仔亦要明白女仔希望有被愛感覺的需要，如自己未能通過電話來關心對方, 亦要在坦白交代並從其他途徑去表達自己對女友的關心。其實最緊要係溝通，包容，同理智。女仔唔好收唔到電話就發晒脾氣，男仔亦唔好懶得就懶，嫌對方煩，如果無心去互相包容同體諒對方的情況，很易因為電話多少而發生爭執怎至傷害感情。問下自己的要求同做法是否不理智或不足，相識相知相愛很講緣份，既然可以走在一起, 就好好經營，電話多少不能代表有幾愛和有幾關心。

至於一星期要去幾多次街，亦沒有必然的數量，熱戀時雙方都會爭取見面機會，亦會是彼此了解的最好方法，但當感情穩定，見面的次數亦會有所加減。不能不承認，建立感情係需要大家去付出時間，去了解眼前人，所以大家可以就到亦應該多見面去了解彼此，但亦要明白雙方的生活習慣和作息時間表，然後再去營造多些見面機會，以增進感情和了解。

總之，談情不是因為去街同電話次數多寡而去決定有多愛，最重要係用心同感覺，感覺不對，日日見，時時收到電話都係不對，只有浪費時間。重質不重量，用多些精神去在每一次接觸時了解對方和表達自己才是最重要。

好詳細,有論據且很有參考價值^^

唔係!!!應該唔係!!!見三四次先ok!!!

因人而異啦~ 有D情侶可以一日電幾次, 有D可以成個星期先電一電, 最緊要係2個人都覺得開心..... 呢D o野係重質不重量o既~ 情侶之間唔一定有講唔完o既話題, 一樣會有dead air, 一有dead air就可能會胡思亂想, 如果係咁, 我情願打少幾個....

我自己就日日都同男朋友有contact, 電話...email.....sms......唔係刻意去做, 掛住佢又怕佢唔得閒就send sms/email, 可能夜晚o係屋企大家有時間, 就電話傾一陣..... 有時, 大家都忙, 都會幾日無contact, 最緊要係俾對方知道, 咁就唔使擔心, 大家一齊努力.....

至於見面, 我覺得面就一定要keep住見, 平均1-2次.....但係依家d人返工返學, 要出太多街其實係好累o家, 所以有時weekday 早放就會接下對方放工, 一齊搭程車, 就各自歸家......

個人認為最少1日1次....
對方有一兩日冇打俾另一方...
有可能有點事忙緊吧....
你可以主動打俾佢...
真係忙既話就長話短說吧~~

每星期見1-2次吧~
返工既可能好多時都就唔到...
大家心裡有對方就可以啦~~

我覺得一對情侶至低限度每一日都應該打一個電話啦,,,
我自己覺得有一,兩日唔打俾另一半真係有d問題啦..
你話每星期要見幾多次先ok呀??
我同我男朋友一星期見一次呀!!
p.s.我同我男朋友一齊左4年幾啦!!!!!!

情侶唔一定成日都要打電話聯絡大家!!
不過起碼一日都一次啦!
因為咁係可以知道對方有咩開心.有咩唔開心..
不過對方突然有一兩日冇打俾另一方..可能係對方唔得閒姐!
唔使咁緊張!
同埋每星期要見1,2次就ok嫁啦!!
不過要睇下大家得唔得閒

當然應該每日都有至少一個電話。

不論早午晚,
最好是臨睡前必有一個,
忙不是藉口,
如果連一個電話的時間都騰不出來,
感情就可能真是有問題了。

至於見面是應該視乎雙方所處的地區距離而定,
一星期一至兩次相信是最低消費。

呢d o野話唔埋o架bo,睇o下你o地2個得唔得閒o架o者~
讀緊書,得閒d o既就見多d;
番緊工,忙就見少d o架啦~
電話方面...一日一個好正常o架~
如果突然對方唔得俾你,你可以打電話俾佢關心o下佢o架嘛~