真唔知算係咩意思..(想男仔幫幫我) (10)

你本身ge諗法都好正路,即係係咪d男仔落左club都會開放?
其實你本身熟唔熟佢?你係咪第一次同佢落club玩?
如果你唔知佢平時係點樣,咁就好難講.
另外,你同佢當時有冇飲醉酒呢?
如果有飲,咁佢可能因為醉左,所以比平時大膽左.
正所謂酒後吐真言,醉左反而做ge野反而係最真.
當然你要確定佢唔係醉到就來暈,亂咁撞,而係有d清醒.
換句話講,即係如果佢根本醉到不省人事,有可能係攬左你都唔知,或者根本唔知你係邊個.
不過,如果當時佢係完全清醒,即係冇飲酒,或者只飲左少少,
咁即係佢清楚自己做咩la.
咁就好奇怪,佢平時明明怕醜,點解會咁大膽?
因為真係好大膽ge行為,比示愛仲大膽.
咁我都覺得好古怪,可能佢一早預左當日就要向你表白,但係唔用口講,用行動.
再唔係佢就係即興,一時衝動想攬住你,大家又情緒高漲,佢又止唔住自己,就咁la.
我覺得後者可能性大d.
可能不嬲都唔知對你係咪有好感,咁果日玩得好興奮,
佢見到你好開心,當下忽然之間中意你,就好想將你攬入懷,咁又冇考慮咁多就做左lar.
你睇戲都見到好多朋友兩個人忽然有眼神接觸,就好自然地錫左la.
咁事後如何呢?件事係幾耐之前ga?
如果佢都冇咩野,當冇野發生,咁即係當日好衝動,佢想扮冇野la.
但係有時可能佢怕醜,唔知仲提唔提好,又唔知你點諗.
因為佢可能一直中意,都可能當日中意左你一日,又或者經過果日就正式中意你.
咁你同佢見面唔尷尬咩?
你一係問下佢點la,但如果怕提番仲尷尬,你地繼續做朋友,一定會令佢對你好感增加,遲d佢再向你表白都唔遲.
咁而家你地做住曖昧朋友la.

酒醉三分醒,一個男仔完全醉既話就無可能攬住一個人

佢會攬住你證明佢對你一定有好感,雖然係clubbing,都唔係係女都攬既, 都一定選一個自己想攬既。

男仔一去clubbing就唔同,意志比平時薄弱。

我覺得佢應該至少對你有好感,如果你都有意思,可以暗示一下等佢表白。

努力啦~

佢對你都有好感既，可能當時佢又飲左酒先會夠膽咁，平時就唔敢囉，你唔好諗咁多啦，不妨試下大膽d約佢單獨出街丫！佢會明白架啦！
幸福係要靠自己架，even唔得，起碼你都try過丫嘛！