你隻兔仔唔肯食草, 會唔會係因為你俾得太多糧佢食? 兔仔一日食兩餐糧, 如果佢係BB, 其實一餐10粒8粒就得gar 喇, 如果佢係成兔(一般六個月大就係成兔, 可以交配), 一餐大概要俾一湯匙嘅糧佢食, 如果兔仔食得太多糧, 佢地就會唔肚餓同埋唔肯食草. 另外, 更加唔好俾太多零食兔仔食, 零食比草香and好食好多, 所以兔仔食得太多零食會唔鍾意食草, 而且零食對兔仔嘅健康亦唔好, 食零食太多, 兔仔會營養過盛, 引致屙軟便同埋痴肥.
我問過獸醫, 兔仔應該每日都要食大量草and兩餐糧, 另外, 每餐再要俾小小菜佢地食(菜可以係菜心,白菜,芥蘭,生菜), 唔好俾紅蘿蔔同埋生果佢地食, 因為紅蘿蔔同埋生果有好高糖份, 所以係唔啱兔仔食嘅.
草方面, 兔B需要o既營養比較多,所以主要食alfalfa草,因為alfalfa營養相當高,但同時亦要溝timothy草俾兔B,因timothy含有好高o既纖維質. 但兔B長大後, 就唔好再俾alfalfa佢食, 俾timothy佢得喇,因為alfalfa鈣質過多會令成兔生膀胱石,唔適合成兔食,而timothy纖維質高及蛋白質較低,係成兔最健康o既食物.
你而家先要攪清楚自己俾緊咩草佢食, 同埋試下減小小糧, 你要擺好多草o係到俾佢, 佢肚餓自然咩都會食, 唔洗驚餓親佢, 仲有唔好俾零食佢食, 正常情況下, 佢會食番草.
如果兔兔仲係紮紮跳, 就算佢唔食草, 你都唔洗太擔心, 但如果佢連糧都唔肯食, 甚至郁都唔願郁, 你就要同佢睇醫生喇, 因為可能佢病咗.
我都養過兔仔架=),,
你有冇俾糧佢食牙?唔係草啵,,
有糧就不會怕沒營養了啦=],,
同埋冇記錯食草另1個原因係驚佢D牙太長咬到自己,,
如果唔肯食既話,,試下買早草'尊',,咁就唔食牙長NA..
我隻兔仔..之前唔肯食草又唔食糧..結果..去世了啦,,
不過佢唔肯食係因為佢有D病..
如果你隻兔仔乜都唔食既話先拎佢去睇E生了!
如果仲肯食野就唔洗WORRY住~
參考: ME*