想開cafe,求經驗之談~~唔該哂

我今年十八歲，
出左黎做野年幾兩年，
但頭幾份工都係做幾個月就走，
最長係宜家呢份，
做左近一年，
本來自己搵自己食，
可以係呢度攞下經驗先，
遲下轉份高人工啲既工，
但係呢排開始想同男友儲錢買樓，
要諗得長遠啲，
覺得如果咁落去，
攞經驗再轉工，
咁做黎做去我都係做同一個職位，
或者性質差唔多既工，
做死一世工我最多都係得萬零蚊個月。

宜家諗住積極儲錢，
再去進修，
搞啲小生意咁，
其實都未諗到做咩生意，
但好細個就想開間ｃａｆｅ，
又難得我男友都有咁諗過。
大家可唔可以比少少意見，
今時今日搞ｃａｆｅ仲有冇得做？
我唔係為左賺大錢，
只係想一邊為理想一邊可以養到自己，
咁就已經好開心，
最好梗係可以有錢剩啦～

有冇啲有開ｃａｆｅ經驗既人，
可以講下呢方面既野？
例如開心同唔開心，
難處同辛苦處，
搵舖食材裝修等準備功夫，
開支同收入既平衡等等．．．
對我黎講，
做生意、食物飲品同開餐廳既經驗係好缺乏，
我諗住趁儲錢呢段時間去進修，
有冇呢方面既課程介紹下？