想知道點駁喇叭線!!!

有喇叭唔識駁，証明你係新手，唔駛買貴線 (但你張相嗰條線唔算平)，度啱長度，去水電舖買幾蚊幾碼紅黑喇叭線就得，去「鴨記」都嘥車錢。
擴音機背後同喇叭背後都有紅黑線接駁位，先用剪力將紅黑線兩端保護膠套剪去，露出銅絲約3/8吋，唔駛加喇叭插，修整一下線頭的銅絲，順時針方有將它們扭成一條，然後將紅線駁擴音機背後同喇叭背後的紅位，黑線駁黑位，先調低擴音機音量，然後 power on，跟住將volume慢慢調高，喇叭出聲，禮成，唔出聲，check下條喇叭線有冇鬆，冇鬆，只拆喇叭背後的接線，將左右喇叭對調，重駁紅黑線，這時喇叭應有聲出了。
其實喇叭駁完仲要試phasing，見你係新手，駁掂喇叭線之後再寫上嚟問啦。