煩惱!!.............

我本身都係一個內向的人, 不過勝在性格隨和, 所以都唔怕乞人憎, D朋友都鍾意同我講野嘅.
其實, 只要同朋友多D講野就得架啦, 我相信你實有幾個傾得埋嘅朋友嘅, 我自己呢就鍾意同自己差唔多level同性格嘅朋友一齊玩, 而呢幾個朋友當中, 實有個係活潑少少格, 當我地一齊嘅時候, 我會偷偷地學佢嘅處事方式和說話技巧, 因為內向嘅人多數都唔係咁識講野同表達自己, 多D聽下人地嘅講野方式對自己有幫助.
你話自己好多暗瘡, 我就無暗瘡嘅, 不過以前就成日覺得自己唔及人地靚而感到自卑, 而家我諗通咗啦, 其實人地覺得你係一個值得交朋友嘅人, 唔係憑你個樣, 而係你嘅性格, 只要你放膽同人地大大方方講野就得架啦, 因為如果你怕怕醜醜咁同人地講野, 人地係睇得出架, 咁倒不如扮得大大方方, 人地就自然覺得你係一個"好人"啦. 多咗朋友人就自然開朗架啦.
記住唔好俾人睇得出你係一個自卑同怕醜嘅人, 要扮得有信心有自信, 扮扮下就成真架啦,
希望你可以真係變得有自信同多D朋友啦, 祝早日成功!!