我想問燒烤會唔會影響環境呢?㗎

基本上燒烤對環境唔多唔小都會啲影響。
想燒烤嗰時盡量去保護環境芝其實都有小小辦法嘅。
1.買食物方面：出發前食啲嘢打打底先至去買食物，因為你當時都食到飽飽哋，所以到買嘢嗰時你就唔會買太多嘅食物。冇買過多嘅食物咁咪唔使浪費食物同金錢啦。
2.用具放面：最好每人自備一套私家碗、碟、杯、叉，燒完嘢食用完之後可以帶返屋企洗，下次去燒烤又可以攞嚟用，唔使次次去燒烤都要買啲用完即棄嘅膠製用具，夠晒環保。
3.用紙巾方面：就係毛巾仔當紙巾用。不過就要帶一個有手抽嘅大蒸餾水樽。臨去或去到燒烤場就揾地方入水嚟洗毛巾用，覺得自己條毛巾用到污糟邋遢就可以喺樽水到倒啲水洗吓又可以再用，只其實好過用紙巾。雖然要帶個樽去裝水的確係麻煩小小，但係咁做亦好環保0架。
4.飲品及其他：買飲品當然係要用啲可回收再做嘅物料例如：大膠樽裝水或汽水、鋁罐裝嘅飲品之類嘢，但飲完記住攞返去放入回收箱到。最後就係燒烤叉同炭。
燒烤叉其實用完可以洗乾淨再用，只係咿啲人"懶"！燒完就唔要重要亂咁掉，雖然好平，但係洗乾淨流返下次用都得啫。
講真"炭"即係等如樹木，用炭越多樹木就越來越小，而且燃燒咗嘅炭亦會悉放廢氣去污染環境。但係燒烤一般都係用炭去燒咁先至最傳統，咁先至似燒烤。不過去慣燒烤同有經驗嘅人基本上可以唔使用好多炭都可以燒到好多嘢食出嚟。
總言之：你若然想去燒烤，要記住由"買、燒、食、用"都記住環境嘅保護，同埋記 住燒烤場嘅環境要清潔，咁大家就可以有個舒適嘅生活環境啦。

希望可以解答到您嘅問題啦。Thanks.

可能會!無法燒烤時保濩環境!!一係就唔好燒!!!