有冇人可以幫o下我~~ 結婚行教堂問題~~~好煩惱中.....

首先，你必須清楚一件事，所謂”行教堂”（天主教），係冇法律效力嘅．

以前，行完教堂仍然要去婚姻註冊署註冊，呢段婚姻先會”合法化”（絕對唔係挑戰教會嘅權威，亦唔係話行教堂”玩玩下”，只係討論法律上嘅合法性），就等如中國傳統嘅禮數，響屋企拜當天，”裝香”俾祖先，斟茶俾長輩（呢D傳統禮數一樣唔係”玩玩下”），係你哋嘅個人行為，冇法律上嘅合法公證人公證，所以冇法律效力．

講下”行教堂”：
如果結婚嘅雙方都係天主教徒，咁堂區神父會幫呢對新人舉行”婚配聖事”，喺天主面前締結呢段婚姻，呢段婚姻係神聖嘅，永久嘅，對締結婚姻嘅雙方黎講都係唯一嘅（唔可以離婚再結－就算係，教會／天主都唔會認數，一生人唔可以再做第二次”婚配聖事”）．
如果只有一方係天主教徙，又想”行教堂”，咁堂區神父係唔會舉行”婚配聖事”（好似話係因為一方未受洗，有原罪，所以唔可以舉行”聖事”云云），只會為呢對新人舉行一台”彌撒”，祝聖呢段婚姻，同時製造一個場合俾親友參加，祝呢對新人白頭到老，幸福快樂等等．
響澳門”行教堂”，係可以響教堂順便簽埋字，做埋婚姻登記，因為澳門以前係葡國領土，而葡國嘅國教係天主教，神父係法律付予權力嘅婚姻登記公證人，所以可以響教堂做埋手續．但係香港冇呢樣嘢（英國同中國都唔係天主教國家）．

而家香港已經推出左”婚姻監禮人”嘅服務，你哋就可以考慮請監禮人去教堂為你哋監禮，當然，你哋都可以選擇請監禮人去酒樓為你哋監禮啦（晚上監禮係唔係會貴D？）．

希望幫到你哋，預祝新婚快樂！

2007-03-07 11:41:46 補充：
行完教堂，呢段婚姻係響天主，教會同埋教友面前”生效”了，響宗教角度黎講，行教堂當然唔係”做樣”，而且仲緊要過簽結婚證書．但係講到”合法”，仍然係要簽咗結婚證書先算數．

唔知就唔好亂答。

要問最好番聖堂，問神父！

若然"行教堂"只係宗教禮儀, 但不簽紙, 好似好奇怪.
因我是基督徒, 不肯定有咩分別, 但你要知道, 對他來說, 這婚姻是帶有宗教的支撐的, 若只是"行", 那神父就不需要問"願意不願意", 又不會交換信物, 因此不能宣告你們已成為夫婦, 既然未簽婚書, 那有咩好做呢?

所謂"行教堂", 其實不只係宗教禮儀, 是有法律效用的, 只是將宗教的禮儀溶入整個證婚的法律程序. 唔係"做樣"架.

想多d 人可以一齊見證~~~你們可以邀請多d人出席你們的婚禮, 咁咪得囉.

最好就係問下他所屬教會的神父

其實行禮只係儀式，就好似擺洒咁，有啲人都擺完洒先註冊啦！