入行做化妝師

Hello, 我係亞紫，剛剛一月係zing the make up school完成fondamental course，依家讀緊upper course。希望我以下的回答可以幫到你啦。

(1) 想問化妝是不是很難做?唔係所有人都可以做到?
我念無論做邊一行都唔容易，最緊要係學的時候要虛心和專心，課後要多練習。好多唔識化妝的人以為化妝好容易，只係將D顏色放晒落塊面度，其實呢個係易學難精的一門學問。當初我都唔知道自己到底做唔做到，所以好猶疑究竟報唔報，但係念深一層，如果試過真係唔得，只係無左D錢和時間，但是唔試過又點知自己得唔得，到最後悔的係自己。
自從學了化妝後，我將大部份的時間花在練習上，基本上每個星期都會番學校練習三至四次，放長假的時候更係日日番去，由早練到晚。而zing、ricky、chris、kerry都好肯花時間，又有耐性咁教我地，所以都可以順利畢業，升讀upper course。
所以，可以講人人都可以學化妝，至於你可以去到邊一個level，就要看你願意為化妝付出多少時間和精神了。

(2) 是不是完成取得化妝師文憑就可以?完成後有出路?有工作介紹?
基本上可以話係，不過畢業後究竟做邊一類型的化妝師就要看你自己的決定和學校的安排了。有些會自立門戶，自己接生意做，例如做新娘化妝﹔有些就去做化妝的counter﹔有些會跟有經驗的化妝師做assistant一段時間，吸收多D經驗，識多D人，幫助自己建立客源。zing the make up school會挑選有潛質的畢業學生簽約為zing the production的化妝師，根據各合約化妝師的特長，以free lance形式派給不同的客戶，例如廣告、fashion show、明星、雜誌、演唱會等。

(3) 化妝文憑大約幾多錢?讀幾耐時間? 邊間最好?
我剛完成的fondamental course，全費為$13800，可以分2期和12期。每星期一堂，每堂2個半小時，每個月4堂，總共上三個月。呢個課程適合完全沒有學過專業化妝的人，學的都係最基本的知識，例如妝前準備﹔不同種類粉底的用途和用法﹔各化妝掃的運用﹔正確塗抹化妝品的技巧和手勢﹔遮瑕、輪廓修飾﹔眼妝包括(1)混合不同質地的眼影﹔(2)勾畫不同形狀的眼影﹔(3)睫毛膏、眼線、假眼睫毛運用等﹔胭脂的運用﹔唇形勾畫。
前1個小時係導師講解和示範，剩下的時間就是學生練習，所以，每堂都要自備model。一班大概6到8個人，除了導師外，仲會有assistant，所以都可以照顧到每個學生。導師包括zing, ricky lau, chris同kerry，基本上每個導師都會教，等大家可以吸收唔同人的優點和化妝技巧。
基本上，完成了呢個課程，你可以選擇繼續讀上去，或者出去接job做。不過學校會建議一D有潛質和能力的學生繼續讀upper course，因為學校只會簽係upper course畢業的學生。
我現在讀的upper course全費$35000，每星期1堂，每堂2個半小時，每個月4堂，總共上6個月，上課的形式同fondamental 一樣。
課程內容包括年代妝(18世紀、20年代、30年代、40年代、50年代、60年代、70年代、80年代、90年代)﹔各種廣告化妝(電視、雜誌)﹔舞台化妝﹔黑白照﹔zing的部份作品。因為upper course的課程內容較深，所以如非fondamental畢業的學生報讀，就要通過zing的考核才可以報。

仲有一種係full time course，每星期上3堂，每堂4個小時，上課形式同前兩個一樣。課程內容已經包含了fondamental和upper course，所以即使唔識化妝的人都可以讀。學費係$138000，可以分12期付款。

(4) 化妝師多素幾多入行?有無限年齡?
無年齡限制，幾多歲入行都可以，最緊要係咪真係鐘意做化妝。

(5) 做化妝師要有甚麼程度?需要多國唔言嗎?
我唸無論做邊一行，如果能講多幾種唔同的語言，應該都會比其他人有更多的機會，例如與客人溝通的時候，如果可以講番客人的語言，當然會令客人有親切感，亦會令工作更佳順利。好似剛剛係一月做完的時裝節咁，model除了香港人之外，仲有來自外國和中國的，所以如果可以講英文和普通話，化妝的時候就可以同model溝通得好D。
我的同學裡面有大學畢業的，也有中學畢業的，所以無話一定要邊一個學歷先可以報讀。反而，我覺得對人有禮貌最緊要，否則幾高學歷都無用。

希望可以幫到你啦^^
如果你仲有問題，可以電郵給我，或者來做我的model，親自感受一下上堂的氣氛。([email protected])

傻妹．．．．化妝師冇咩特別要既要求，只要你有心去化妝同埋搵間好學校用心去教你，最重要都係你自己要化多ｄ．．．．我依家都係全職化妝師了～
星期６有個化妝ｓｈｏｗ，一齊去睇下先ｌａｗ．．．好好玩架～

ｅｍａｉｌ比我：ｔｉｎｇｔｉｎｇ６２３＠ｈｏｔｍａｉｌ．ｃｏｍ