成人報考三級鋼琴試, 自己的苦惱, 請幫忙

你ge問題都係一d成年人學習樂器ge問題...
要進步ge方法其實人人都知, 就係多練習, 但係呢個方法對你起唔到咩作用
因為你ge問題唔係小朋友ge懶, 唔係冇動機(motivation), 而係真係冇時間同精力, 有心冇力
我相信你一有時間同體力係會好專注咁練, 所以我覺得你未必適合去考試
考試(尤其係低級試)係為提高學習動機, 通常對小朋友起大d作用
就算你pass到grade 3都解決唔到你ge問題, 反而令你產生壓力, 影響進度

人ge時間係得咁多, 你唔夠時間練就應該諗下你係咪有必要考試呢?
以你ge進度幾時先考到grade 8呢?
如果你唔係為grade 8又做咩考grade 3呢?
深一層去諗你考琴為咩呢? 我估多數係自娛/滿足童年夢想~
咁做咩要令到自己咁大壓力又唔開心?
大人返工已經好大壓力, 連消遣ge活動都產生壓力未免太可憐喇...

其實單單學習ge過程已經好值得享受, 冇必要考試去增加滿足感
當考試帶俾你壓力反而本末倒置, 你而家ge情況就係咁

冇時間練唔駛內疚, 只要你知道自己冇偷懶, 盡左力就唔駛內疚
不過你一定要同老師多d講自己ge情況, 好ge老師應該會明白你~
既然知道老師明白就唔駛怕上堂啦~
如果老師成日因為咁責怪你, 又逼你考試, 我覺得有必要換老師~

如果你真係好喜歡彈琴, 除左坐o係琴前面練, 都應該聽多d歌, 買下CD
有時真係要犧牲好多休息時間, 不過做喜歡做ge野係唔會覺得累
所以返工先咁累, 同意嗎??? 哈哈~

我認為我每一樣樂器都需要勤練習，如果真係搵唔到時間練就係早上或者係放工之後
練啦,,只要覺的學樂器真係自己的興趣就會無咁易覺得辛苦..練習多d 就唔會唔熟音位..
唔好放棄..就算學得比人慢都要加油,,加油..!

因為我的 scale 不 ok
練! 唔會唔ok, G3 既scale 根本唔多,好易合格,speed 又唔洗快, 穩穩當當就ok

考試歌彈不到感情
你有mp3 既, 張d 歌入落去,上班下班時listen

沒有拍子
listen more, 自己就會自然 把拍子記左入brain, reduce one worry

是否練習可以改善呢 ?
係,係一定可以
睇你肯唔肯