今日我見成份工又適逢我男朋友放假～所以就出左去行街順便為新工買臨時制服～行左成日好(支力)到臨走返屋企～十點三左右(我男朋友平時呢個時間差唔多落閘收工)～跟住佢新黎既阿頭就叫佢返公司開會～話返去講兩句好快～又話你都知今日要等貨～以我既角度黎睇有咩都可以聽日講者～有乜理由放假都要返工架～！仲要搞到而家點幾兩點都仲未走得～我覺得佢間公司越黎越過份～！！！唔止我男朋友頂唔順～我都頂唔順～！成日得閒無事要D伙計收工陪個老細去飲酒～有時仲要去通宵～都唔知係咪變態～！有次仲要半夜三更要我男朋友陪佢去沙田飲酒.........雖然佢有的士接送～但係人地聽日唔使返工呀～！？由屯門去沙田來回幾耐呀～咁鍾意飲就叫自己老婆陪自己飲啦～你估全世界得你有屋企人呀～！我男朋友做Sales者～唔係做陪酒～一時鍾意就話炒～一時又話唔炒住～跟住又話做到三月就要走～但係而家又好似當無事發生過～
唉．．．總之有咩大人物去佢間舖．．果日我個男朋友實半夜先返．．．
其實間公司成日咁樣樣強制性要人留低～返工超時又唔補水果D～係咪唔可以告佢架～？
其實放假都要返工有冇問題~?
2007-03-04 9:36 am
回答 (4)
2007-03-05 12:30 am
✔ 最佳答案
其實放假都要返工有冇問題~? 實有問題lar，
1 於法不容（參勞工法第4章）。
2 於理不合。陪住女友都會走左去，係真唔係真ah？
點解決：
教你兩招
1 縮龍成寸：放假時候阿頭來電不要接聽，第日番工當無件事，若追問則答聽唔到，電話壞...
2 搖風擺柳：半夜三更追魂call到，9次唔接1次接，接到話就黎，第日返工至出現，開口問到就作個藉口，剛剛有家事，個家幾乎散，俾老母（女友）鬧：佢話問過勞工處咁係犯法，咁做老細分分鐘要坐牢......，如果出門口就要散......。
不過呢兩招有個死穴，就是你男友自願出去！
---
勞工法第4章（節錄）
休息日強迫工作
僱主不得強迫僱員在休息日工作，除非因機器或工廠設備發生故障或任何緊急事故。如僱主要求僱員在休息日工作，必須另定休息日予僱員。另定休息日須安排在原定休息日後的30天之內，僱主並須在原定休息日後的48小時內通知僱員另定休息日的日期。
違例與罰則
僱主如無合理辯解而不給予僱員休息日，可被檢控，一經定罪，最高可被罰款5萬元。
僱主強迫僱員在休息日工作，可被檢控，一經定罪，最高可被罰款5萬元。
2007-03-04 6:14 pm
冇問題架．．．睇自己姐都係．．．
自己頂得順就得啦．．．
自己頂得順就得啦．．．
2007-03-04 11:40 am
其實我想講大把人都係咁
你bf做sales就更加a,有客黎到,你就要ot架la,好似我都識好多人都要ot,仲要係日日,冇10,12點都唔走得,但佢地唔係sales wo~第野做就要ot架la~你今日唔做,聽日咪又係要你做,有D仲要1-3點先走得,但佢地一樣係返9點lo~星期日都要返政加唔見得有幾驚奇,以上o既case全部一個仙ot都冇,所以你bf慘,大把人慘過佢
你話個老細難服侍,成日要陪佢就真,但如果ot個問題,度度都係咁架喇,同埋如果份contract都寫左冇ot,係冇得告佢lo~除非佢寫有而唔俾你la
你bf做sales就更加a,有客黎到,你就要ot架la,好似我都識好多人都要ot,仲要係日日,冇10,12點都唔走得,但佢地唔係sales wo~第野做就要ot架la~你今日唔做,聽日咪又係要你做,有D仲要1-3點先走得,但佢地一樣係返9點lo~星期日都要返政加唔見得有幾驚奇,以上o既case全部一個仙ot都冇,所以你bf慘,大把人慘過佢
你話個老細難服侍,成日要陪佢就真,但如果ot個問題,度度都係咁架喇,同埋如果份contract都寫左冇ot,係冇得告佢lo~除非佢寫有而唔俾你la
2007-03-04 9:45 am
各行各業都是一樣,不要怨
收錄日期: 2021-04-12 18:59:58
原文連結 [永久失效]:
https://hk.answers.yahoo.com/question/index?qid=20070304000051KK00402