好唔開心.......

我琴日同人地打籃球傳波比人果陣時,人地話我唔識傳波...又話我唔岩打籃球,要我放棄
咁點做好,我好唔開心~
我明白你的心情。
通常被人地話你唔識傳波...又話你唔岩打籃球,要你放棄，你當然會覺得好唔開心啦！
不過你都需要反省自己是否真是唔識傳波和唔岩打籃球呢！
若果發覺自己的技術較差就要想方法改善技術。
這樣才會幫助你去打得更好。
這才是治本的方法呀！
別人要你放棄，問題在於你自己的決心。
若果你真是那麼輕易就放棄，我相信你做甚麼都不會成功的。
希望你能不斷努力改進自己，虛心去請教別人的意見，那麼你便可以打籃球打得更好。
希望你不要放棄，努力加油呀！

練好d
第時好過佢地

如果你真係好中意打籃球就唔應該放棄!!
人地講咩你就做咩咁咪好白痴!?我都好中意打籃球架~!
如果有人叫我唔好打籃球~我唔會聽佢講架!因為我好中意籃球!
佢地話你唔識傳波,咁你咪練好d囉~籃球有得練架嗎!
所以,你係中意籃球既就唔好放棄~!

唔駛唔開心丫 好多人都自以為事
如果每個人既說話你都放在心裡果幾呀年你又點過呢
依次你冇傳俾人 而又咁唔開心
雖然唔在場 睇唔到件事經過
不過我覺得有依次經驗 你下次打波你都會留意依一點囉
唔好為人地一句說話放棄 , 唔好為一句說話令自己唔開心~ 放鬆下啦

俾人批評,又真係會唔開心ge,但你唔好為呢d自以為是ge人而唔開心...
佢自己好叻咩?!
而家唔開心冇用ga,有時批評都會係好事,你可以知道自己衰咩,你之後多d練波,終有一日威俾佢睇...
你唔好真係為左佢一句話而放棄呀~加油!!

一個無無聊聊嘅人講嘅野 你點解要聽先 佢係你邊個先 點解你要聽佢講 人唔似天生乜都識嘅 你打波唔叻 打多啲就叻架啦 佢無知係佢嘅問題 駛乜為咗佢嘅無知令到自己唔開心啫 正所謂我有我自由 理得你感受 唔好諗啦 你鐘意打波咪繼續打囉 唔駛理佢啦 同佢唔啱玩咪唔好同佢玩囉 更何況朋友係需要尊重嘅 佢連尊重人都未識 等佢學識尊重人先諗下同唔同佢玩啦 對自己有信心啊 老友

別人點講同點睇你，係唔係咁重要呢？

如果有人對著曾特首講，你好無用，乜都做唔到你都係唔好重特首啦，退出啦，唔好左著梁家傑搞2012雙普選啦．．．．．．咁唔通特首就會聽聽話話？唔通佢會唔開心？？

如果你喜歡打籃球，可必理會那個人
如果你喜歡和那人打籃球，那你必須得到他的認同，自己好好練習，當你的技巧有所提升，自然就會得到別人認同，那你就更有自信去打好你的籃球

但如果你沒有加倍努力去練球，只是不開心，放棄，那你的人生就完了！

後記：運動和所有野都一樣，需要努力加天份，如果你已經盡了努力，但還未能得到那人的認同，那可能是你的天份如此；既然這是你天生的限制，你就需要面對和接受它。正如你天生是一個什麼人、爸爸是誰、媽媽是誰．．．．．這些你都不能改變，只能面對和接受，但你就可以盡自己的力量去改變你自己，你想打好球，就盡力去做，想讀好書，也要盡力去做。

「盡人事，聽天命」
相信自己吧！

你冇需要介意,因為只係佢話你,佢唔係教練,都唔係籃球好手,你第日好好練習,一定好過佢!
^.^~