反叛...點算好

我隻狗細細個時試過咬電線，好彩衣家唔會啦。但仍然會好想入廚房，因為佢試過在家冇人時入廚房偷食，在佢的潛意識中，廚房=有嘢食。我真係鬧又鬧過打又打過，但係似乎都唔夠食物的魔力大，所以用咗好消極的方法，就係欄住個廚房，無論家裡有冇人在，欄住咗就放心。至於咬鞋，你試下收埋啲鞋喺佢搵唔到的地方，或鎖住過鞋櫃。
其實狗同人一樣，唔會有十全十美的，好似我隻狗好得意，每次帶佢去街，都吸引路人注意讚美佢，身為主人的我心都甜晒，在家裡佢都算安靜同埋嗲人，但最衰的係佢好為食，唔理食唔食得落口都照食，試過食毛公仔的鈕扣、食塵同食牆身的石灰。
真係睇少陣都唔得。改變唔到就唯有接受，並調適自己來遷就，等如你同你另一半拍拖，都要你就下我我就下你互相磨合先會一齊的。
當然你可以帶佢去狗場訓練，完全聽教聽話，但與一隻機械狗有乜分別？

2007-03-05 09:02:44 補充：
另外你的隻狗應該係發牙痕，但剛好佢覺得鞋最好咬，就自然唔會去咬玩具，試下比多啲唔同的東西佢咬，例如我隻狗中意咬屈臣氏蒸餾水的樽蓋(三角形)、咬門框或櫃的木頭、厚紙皮等，狗狗自會從中找出自己最中意咬的東西。如果佢都係至愛咬鞋，咁你就唯有俾隻你地唔要的鞋俾佢咬，而把其他要著的鞋收起。佢大個之後，就唔會咁中意咬嘢架啦。

我自已就會收好d鞋ar雜物ar..垃圾桶我買有蓋ge..玩具..就唔會長期放係佢身邊,免得佢對d玩具失去興趣,then亂咬野..but有時佢牙痕都會見乜咬乜ga..咪即刻NO佢low..慢慢佢就知唔可以咬ge...狗仔係好奇ga la..你要俾d耐性慢慢話俾佢知你唔鍾意佢咁做..仲有呀..你可以關起d房門,縮窄佢搞事ge範圍,亦方便自已教佢ar ma~

其實有方法的，你可以俾錢找人幫你教，如果你不想俾錢，可以把垃圾桶放在一個有門和佢入唔到的地方，例如廚房(要閉門)。佢咬野你可以打佢，但要俾佢知道你為什麼打佢，7個月唔教大左好難教。如果屋企無人你可以把牠放左籠內。

我隻狗都有咬野，佢好鍾意入房，但因為我地打過佢，佢現在入房都唔咬野，當佢入房後佢會自己入番籠，因為知道自己做錯左，但佢都10幾year old ，所以我地都唔會再打佢啦

2007-03-04 16:13:03 補充：
唔好不停打(一/二下好啦)，否則佢會唔理你。如有改善，一定要俾好野佢食

狗仔細個時一定會搞破壞，視乎佢破壞既程度有幾大。你可以買個寵返黎，如果佢再搞破壞就困住佢，等佢坐下監反省下自己做錯d乜。又可以買多d玩具俾佢打發時間，如果佢乖既時候就俾d小食佢食吓，等佢知道主人唔鍾意佢搞搞震，知道乖時主人又錫又有額外小食食，d狗仔好識諗野架。以下網頁可讓你找到一些合適的寵物產品:

http://www.pet28.com/profile.asp?id=15444
http://www.pet28.com/profile.asp?id=15761
http://www.pet28.com/profile.asp?id=5839
http://www.pet28.com/profile.asp?id=4217
http://www.pet28.com/profile.asp?id=3569
http://www.pet28.com/profile.asp?id=3390
http://www.pet28.com/profile.asp?id=2767
http://www.pet28.com/profile.asp?id=2395

細個係咁ga....我個8哥整到全屋報紙同廁紙囉....唉

我隻雪撬仔都係咁，依家6個月大，已經搞少左，我每次去完街返黎，
就會"羅"住佢咬爛既野同佢講"no"同打佢，耐左就唔會咁曳，因為宜家仲係細，
會百厭d。