做跟單有前途嗎~?

做跟單唔係唔專業，只係專業知識／經驗會局限響嗰個行業（成衣配件貿易），做得耐，如果想轉行，咁累積嘅經驗就會白費，從頭黎過（我指係轉行唔係轉工，轉工就唔怕，但係要搵番本行，係有一定局限性）．

所以你而家真係要考慮清楚，對呢一行係唔係有興趣，一年嘅時間唔算多，如果想轉行就要趁快（呢一年可以當成係吸收社會經驗，而唔係本行嘅專業知識），如果對行業有興趣，就繼續響呢間公司做落去，唔好咁快轉工（一年轉三份工，再轉工，請你嘅人會怕你唔穩定，會考慮得比較多），做多幾年或者升到職先考慮搵本行嘅另一間大d嘅公司做，或者搵更高收入／職位更高嘅黎轉．

對成衣配件貿易，唔熟悉，唔敢講有冇前途（不過簡單／普通咁惗，而家大陸人工仲算平，而且法制法規尚算完整，語言又通，仲有得做，遲d東南亞國家開放，執法上冇咁多黑暗面，工廠非常大機會會移去，咁如果香港嘅公司冇辦法／冇能力跟去做貿易，咁呢一行響香港就真係會式微）．

逐一答你嘅問題：
１．做跟單嘅前途－響同一行，繼續做跟單，升做senior跟單，再升做supervisor／officer／Dept. head．．．．或者出黎創業，自己做貿易生意．
２．有跟單經驗，可以有什麼出路－可以放棄經驗，轉行，當然可以轉工而唔轉行，響同一行，繼續做跟單，升做senior跟單，再升做supervisor／officer／Dept. head．．．．或者出黎創業，自己做貿易生意．
３．如果真是沒有前途的話。我又是否應該走，不是浪費自己時間?－唔一定冇前途，要唔要轉行／轉工，都係要自己考慮清楚再決定．
４．剛畢業出來應注重前途還是錢途呢~?－個人認為，錢要夠用，唔可以俾人壓榨（付出咗勞力／努力，做到一定嘅工作質量／成果，應該有合理嘅回報），唔應該搵唔夠使，仲要問屋企攞（太奢侈另計），但係唔應該要求太高，因為冇經驗，人地俾個合理嘅價就OK． 最緊要係入一行自己有興趣嘅，做一份有嘢學嘅工．

跟單是沒有甚麼前途可言的，除非你的公司發展迅速，需要高層的人才。說實在跟單的人與一部機器沒有分別，人工高了就會被淘汰。
個人建議你應從事前線的工作，能為公司賺錢的工作才是最吃香的；或是專業人士，如會計師、律師.......