股票可否轉名??

實物股票如何轉名?

首先係邊度申請表格問題？
其實申請表格就係你手持實物股票既背後，只要你準確無誤地填妥背後表格就可以。或者本人解析一下一些名詞。轉讓人即實物股票持有人；承讓人即實物股票既新主人；見證人即轉讓人及承讓人以外既一名十八歲以上人士。

申請手續如下﹕
1. 填妥上述表格，並將表格帶往灣仔告士打道5號稅務大樓3樓
a.到6號窗「接待及其他文件呈交處」籌
b.到4-5或7-11號窗「文件評稅處」遞交文件。
c.到12-16號窗「交款處」俾錢(收費為每市值1000元收2元厘印費)，然後耐心等候打厘印。
d.到17-19號窗「領回處」取回文件，即稅務局的工作已完成，然後要到過戶處。

2. 假設過戶處係中央証券登記(一般都係，如屬其他過戶處可看此連結www.hkex.com.hk/markdata/markstat/rpt_registrars_c.html多，只係地點唔同而已)，跟住已打厘印的股票往灣仔皇后大道東183號合和中心1712-1716室即可，新股票費用為每手2元5角(大批轉名有折扣及可付費加快程序)。

3. 一般在10個工作天後已轉名既實物股票可到過戶處拿取。

4. 舉一個例子講，如你的股票市值4000元，手續費為$2x4(厘印費)+2.5(新股票費用)=10.5元(但要是乎數量而定)

備注﹕
1. 此方法是最便宜的轉名手續，當然亦可填妥表格到銀行或証券行用一賣一買形式轉名，但會較貴。

2. 之前有版友提過匯豐有類似實物股票轉名服務，本人曾到匯豐中環總行查詢，匯豐詢問處職員既答覆係匯豐「並無」此服務。

3. 轉讓人、承讓人及見証人三者都「不一定需要」出現在稅局或過戶處，只要填妥表格，可找朋友代辦；但取回股票時如是代領記住簽回條授權的一欄。

4. 以上資料，亦可致電中央証券登記﹕28628628後按15，亦有相關資料。

5. 記住日期一定要填遞交當天或前7日內，唔係就會被罰款。

6. 題外話，如要轉地址，可到過戶處填表格交回即可(一定要正本，不可傳真)，如要改股票列印的地址要交費$2.5；如只通知過戶處而唔改股票，費用全免。

俾錢咪得law...灣仔有個 過户處可以

後保個電話俾你去問下啦..