台灣旅行(20點)

去台灣自遊行絕對無問題啦, 因為我之前去咗三次台北都係自遊行, 只要你買一至兩本旅遊書比較吓啲行程, 敢問路, 唔怕行就ok喇! 上次我同我妹去完兩個人可能行得太多, 即使係咁食, 反而仲瘦咗^^

旅費方面, 睇你預幾多日同主要做乜嘢, 我覺得食同搭車就用好少錢, 如果唔係買名牌嘢, 應該都好夠喇($5000係基本旅費:包括機票+酒店和普通購物/飲食)

我自己好少喺台北購物, 因為又貴又唔靚; 主要係食嘢(掃街)同埋觀光, 如果鍾意買雜誌/漫畫就一定啱去台北, 因為我次次去台北都係為咗買小說o(平過hk好多架~~) 仲有文儀用品必去台北車站附近三層高o既光華大批發, 我每次去親都化妝品, 護膚品, 文具大袋買返香港, 特別推介賀咭類產品, 真係又靚又平到笑, 下層都有VCD同CD賣架!

酒店方面, 我個人較鍾意台北車站或西門町附近o既飯店(不過最好都係台北車站附近, 轉車唔駛煩), 因為價錢相宜(最平$400+一晚都有, 旺季可能會加幾十蚊), 只要你唔嫌棄飯店外表唔靚, 但裏面衞生環境都乾淨, 又近捷運站, 華華大飯店真係又平又方便, 又舊館有新館, 新館外牆都靚靚, 貴多九十蚊一晚o

我自己一向都係自己訂機票同飯店, 因為比起package起碼平多三百蚊, 而家安全又穩陣, 所以我推介你參閱以下網址:

www.zuji.com.hk (機票)
http://www.hoteltw.com/(酒店) 佢都提供機票+酒店套票

希望以上資料可以幫到你

我上年十一月都同男朋友去左台北;
我地兩個從未去過台灣, 但係都選擇自由行
因為我地出發之前都睇過旅行社的package
好多都係會帶你去D買野的地方, 一日可能去成幾個地方, 坐車都坐都暈
又唔想日日咁早起身, 仲辛苦過返工!

最後我地就決定買本台灣指南, 只係去旅行社book機票同酒店
我地係搵東瀛遊的自由行, 佢包機票+酒店+飛狗車票(即去酒店的免費車)+捷運一日任搭
我地兩個日夾埋用左四千蚊(連機票+酒店), 四日三夜
其實你去到台灣坐捷運同你響香港坐地鐵一樣咁方便
一出站就會去到你想去的地方 (最佳的酒店地點我覺得係台北車站)
我地上次住西門町都蠢左, 因為坐捷運時要成日轉車, 不過未去過, 無計啦!

我地兩個每晚都去士林夜巿度掃街, D野食實在太好味喇
必食推介:
士林夜巿: 官材板 + 燒烏蛋 + 愛玉檸檬 + 日式燒麻糬
西門町: 排骨酥麫 + 魔法咖哩
淡水: 阿給 + 超高雪糕(雖然呢樣唔好食, 但一定要買黎影張相)
台北車站: 良品刀切牛肉麫
忠孝敦化: 紅蟹將軍 (一百蚊任食長腳蟹)

而家講返都想去多次添呀 >_

1.可以
2.預算已多
3.你地想shoping,玩主題公園,浸溫泉,唱k,遊名勝古蹟,有何目標?
4有這麼多預算,可住天成,去西門町,買書,搭捷運都方便!