咁樣係咪叫「同時愛上兩個她」？

大約一年前，我鐘意左Ａ小姐，我好清楚我真係鐘意佢，
因為我每次見佢個心都會卜卜跳，又會好緊張佢。仲成日發夢／訓唔著就諗住佢。
但係因為依加同Ａ唔同學校，同Ａ見面小左，但我知道我仲好鐘意佢！
（直至現在仲係暗戀！）

轉左新學校，我識左Ｂ小姐。
我唔知自己係咪鐘意左Ｂ，因為我唔會成日諗住Ｂ／掛住Ｂ，
反而仲係ｋｅｅｐ住成日排住Ａ。但係我一番到學校，我就會好留意Ｂ，
見到佢開心我就暗自歡喜。但只係有開心既ｆｅｅｌ，個心冇卜卜跳／面紅，
但係一同佢身體有少少接觸就（好似）有觸電感覺，好想接近佢多ｄ咁。

我好清楚自己唔係當Ｂ係Ａ既翻版，因為佢地兩個個ｓｔｙｌｅ好唔同，
我唔係因為Ｂ似Ａ而留意佢／對佢有好感。

我由識Ｂ開始，我冇一刻掛住過佢／見到佢個陣心跳加速。
反而我唔係日日見Ａ，我都成日掛住佢諗住佢。

我清楚自己真係鐘意Ａ，但唔肯定係咪鐘意Ｂ。
我咁樣係咪叫同時愛上Ａ同Ｂ？
定係根本我唔係鐘意Ｂ？
如果係的話，點解學校咁多女仔我會成日留意佢／接近佢？
同佢身體有少少接觸就有觸電感覺？
這是不是愛？
同埋我想知有冇可能同時愛上兩個人？