急！急！急！ 我男朋友中了乙型肝炎，我應該點？

乙型肝炎係通過體液接觸傳染, 包括性接觸, 輸血, 母親傳俾胎兒等等.
如果你同病人有上述接觸, 就有機會染病.
不過, 如果你自小就有定期接種及加強接種乙肝疫苗, 感染機會就會好微啦.
要了解自己有冇染病, 先係去抽血chk chk 乙肝的指標,
如果冇事, 就按Anti-HBs 抗體的濃度去決定是不是要再接種疫苗.
如果已經感染左, 就唯有接受現實, 好好保護肝臟, 定期覆檢肝功能了.
目前為止, 乙肝冇得根治, 但係, 對活動期肝炎, 就有計仔可以延緩惡化,
例如皮下打干擾素 (好貴, interferon), 或者用一些專for 乙肝的抗病毒藥物,
都可以幫助控制活動期乙肝, 但對非活動期的乙肝, 的確冇咩計仔,
主要係以護肝同埋定期覆查為主.
每個實驗室的乙肝病毒抗原指標都有差異, 不過上述你post出的兩項都係活動期及傳染性的指標, 的確都唔係好事, 所以, 你男友應該chk真肝功能 (AST, ALT等酵素) 同肝B超, 了解下肝臟的受損程度, 如果肝功能都唔好的話, 就要治療. 肝功能好的話, 就叫佢注意唔好做d 傷肝的事, 如吸煙,飲酒, 捱夜等等, 要多休息, 食d vitC, vit B同埋唔好亂食其他藥物 (好多藥都傷肝).
一般來說, 日常生活接觸 (例如傾計, 工作等等), 係唔會傳染到乙肝的, 而一起吃飯, 其實都唔會, 但係, 如果有咁o岩得咁橋, 你有口腔潰瘍(生飛滋) 或者牙周病流下牙血咁, 而患者又係, 咁就好難講了, so, 都係分公筷會好dd~

希望幫到你.

傳染途徑就同性病既傳染途徑一樣,有體液接觸你已經有可能感染左。
你起度估估下都冇用,你盡快去驗血仲好啦,冇事就即刻打番支預防針,
你都講得係你男朋友關係咁密切,真係唔打唔得!!
其實你睇果個醫生冇可能會冇指引比你地,你叫你男朋友問番佢仲好啦~
醫生始終有專業意見。