買醫療保險邊間好d?

依家人壽保險多數有儲蓄成份,供款期都有定左,10-20年左右,唔好供個啲終身架,因為利息有浮動,保險公司同你講十年可以供完係呃你,多數有多無少!定期既最好,供10年就10年,20年就20年,有預算好啲!人壽保險大多數可以保到你100年歲,即係話,如果你供既錢你一定攞到,一係等你死左人地攞,一係等你100歲先攞!(之前攞可以,但係會攞唔足同埋無左個保障囉)
醫療保險係每年續供,即係你今年買左,下年可以唔要,所以無得儲錢架!住院醫療邊間好?你係指醫院定保險公司?醫院係你想去邊間都得,因為係實報實銷!如果講保險公司,AXA(國衛)既醫療保險暫時係最好,因為保到100歲,同賠足囉,AIA都話保到100,不過佢地賠唔足架! agent就好難講!間間都有好有唔好!有咩服唔服務丫,總之你有事,間保險公司有得賠就得,因為啲agent流動性真係好大!唔好信人信公司!交錢唔好交比agent,過數最好!