點解係我地睇中貓會鐘意食魚,,狗鐘意食骨頭,,老鼠鐘意食芝士既?

Supplement very detailed! Excellent pinpoints!

呢d鍾意食咩食咩係由美國卡通片引入既. d動畫創作馬虎, 每次亞tom要裝亞jerry都會放一塊芝士呢條橋番炒又番炒, 我地未養過老鼠, 咪信以為真囉. 仲有d狗永遠同d貓係仇家, 現實中好多家庭中貓狗可以好friend.
仲有幼稚園既功課本, 都係叫你將動物同佢地既食物連線. 女兒問我點解貓係食魚, 我地平時係日日餵貓糧個播. 有一餐飯我地有魚食, 亞女將魚放係貓糧旁邊, d貓都唔蘇d魚. 咁佢既功課就有大難題啦: 連線冇貓糧呢個選擇喎!!! 亞女仲問, 狗食骨頭係唔係成舊骨咁吞? 我話骨上黏左d肉嘛. 女話咁少肉, 狗仔咪好肚餓囉... 又係播...

現實中狗係食飯又食肉, 不能單食肉. 種類都可以用雞, 牛等我們都喜歡既肉. 俾雞佢唔好連骨, 因為d骨大細, 有時會吞左落肚, 斷骨又尖利, 會刮損喉嚨. 牛骨就大大舊, 唔會誤吞, d狗食完d肉會貪舊骨仲有肉味, 會要黎玩, 但唔食得.

貓就少少飯都唔食, 淨食肉. 現實中住係水邊既冇人養的貓(ferral cat, 唔係wild cat) 係真係會捉魚食既, 只不過香港冇d天然溪流乾淨到有魚仔捉. 其他貓捕雀係會多d, 麻雀仔細細隻, 岩岩一餐. 其他市區常見小動物如老鼠, 就更方便開餐. 雀仔同老鼠係要用努力咁捉來, 只不過比起垃圾桶入面人類食物既殘渣, 就太費時失事啦. 家貓係全部唔吼呢d野, 貓糧又香又美味, 傳聞有d甚至加左尼古丁(煙仔入面上癮既成份)令到d貓非呢隻牌子唔食添...

好老實講, 倉鼠都有人養(食種子, 蔬菜), 老鼠就少d, 不過都有老鼠糧賣. 老鼠基本上食齋, 但係過街老鼠人人喊打, 有咩食咩, 唔會挑食架啦. 垃圾桶係完美既美食天堂, 想搵到芝士? 想創你咩! 而鬼佬放係老鼠夾上的芝士, 一定係好靚既芝士, 因為要香先至引到老鼠既. 樓上個位, 你係本地超市買既芝士係老鼠都唔吼既渣野, 斷估你唔係用有洞既法國芝士啦. 其實本地都有又香又平既鼠餌, 就係叉燒啦. 雖則老鼠天性食齋, 都唔介意食肉進補既.

總結一句, 由細到大我地係比傳媒同D好差既課本灌輸我地關於動物既喜好. 實驗和觀察可以將呢D觀點推翻.

2007-03-03 10:40:20 補充：
樓上個位, 歡迎你加入善意的討論! 請解釋一下塊叉燒點解又引到老鼠? 我都講過冇錯老鼠天生係素食主義者, 來到人類社會就適應環境食下肉類, 如果唔係冇菜食咪餓死囉? 你的寵物鼠和實驗室的鼠日日好食好住, 唔食呢樣有個樣, 唔似d過街老鼠咁亡命街頭掙扎求存, 正如我隻衰貓非某隻牌子某款口味既貓糧唔食, 但街貓就一定冇咁既事啦.

點解貓會鐘意食魚

因為貓係中2食魚個個都知

點解狗鐘意食骨頭

狗唔中2食骨頭

佢係中2搵舊骨jojo姐

點解老鼠鐘意食芝士

芝士我都中2食

老鼠有食得既野都中2