想在中國銀行開網上股票戶口

去中銀香港/南洋商業銀行/集友銀行 開股票戶口，如果你冇買賣，戶口冇股票，基本上完全冇費用，連 savings 戶口既最低存款額都冇 min balance (因為有股票戶口，所以savings account 既最低存款額都免咗)
股票戶口可以係櫃位/電話/網上買賣股票(要同時要求銀行開埋電話理財功能，之後自己係網上登記啟動)，同個職員講你想開個股票戶口，重要開個儲蓄戶口作為結算戶口 (settlement account)，咁你買入股票同沽出股票的錢都會係呢個戶口扣數同入數既。如果你已經有儲蓄戶口就唔駛再開喇，佢就會幫你攪架喇。你去開戶口要帶 (已經有戶口，再開都要帶)：
1. 身份證;
2.住址證明 (一般要三個月內);
3. 錢 (用黎開 savings 戶口)
開左銀行係會比密碼你，跟據銀行比你的單張同程序，上網登記及首次登入後，就可以用架喇。網址係: http://its.bochk.com /


如果買左股票係度，賬戶每年5月及11月最後營業日賬戶結存計收，保管費 每手HKD0.15 min HKD100.00 (即係你到收費期前賣哂d股票就唔駛收，不過如果賺既，照收亦好平之嘛)

買賣股票服務手續費收費方面，詳情可 click 入下列網址參考，當然係每次都要收存啦 http://www.bochk.com /web/common/wide_mul ti_section.xml?secti on=investment&le vel_2=services_charg es&fldr_id=499
買賣股票既費用 :經紀佣金、 0.1%印花稅、0.004%證監會交易徵費 、0.005%香港交易所交易費，咁佣金間間銀行都唔同，中銀集團既收費係:
每筆網上/電話交易(不經人手接聽) commission 係 0.15% (標準係0.25%，一路都話係優惠期內會係 0.15%，個優惠期一路都冇stop，我自己都用左三年)，最低收費 $80 蚊。其他銀行一般都收 0.25% (匯豐同恆生都係) ，而有d理財戶有少部份收 0.125% ，但係最低收費要 $100 蚊，而且個理財戶要 keep 大額既存款係度，咁交易金額唔太大，現金唔多既話，中銀都算好抵 (中銀理財戶都有 0.125%)


中銀網上每月都有 500 次免費詳細報價，如果係用簡易報價 ，基本可以任查 ，
詳細報價好好用，有股票既所以基本資料，有新聞，相關認股證、買入/沽出盤之數量/金額、市場成交等等

登入網上理財去睇股票資料，大路資料有好多，如：主要指數 (恆指、國企、中企、創業版等)、市場新聞、最活潑港股(成交額、成交量等)，好多資料睇

如果有買賣 (交易金額累計大於 $50,000)，就加 200 次，比多d機會你緊貼市場動勢！

另外，中銀網上、電話都有新股認購服務，上網 click 就可以認購，收費只收 $50.00 (中銀理財戶口免費架)，如果你想融資買股票，中銀重有網上融資，即係於網上申請借錢買股票 (一般要比 margin 10%)，真係好方便架。


其實，你講既幾多錢先可以開，股票戶口係冇幾多錢開的要求的，而開一個 savings 戶口， 基本上 $10 都得，如果有戶口，跟本唔駛再比錢，唔係好明上面的朋友講咩野 $100蚊用半年，如果講緊既係保管費，都唔係開戶口的要收的。我自己本身做銀行，亦用左中銀的網上服務成5年了，都未聽過。

希望幫到你

你只要去任何一間中國銀行到同職員講你要開一個網上股票戶口,你只要交HK$100佢地就會立刻幫你辦理

辦理完後,佢就會比一D資料,係講解你點樣用網上股票戶口,同埋講買賣股票時佢地要收既佣金同手續費等

同埋佢會比網上登入既名稱同密碼你,你只要首次登入時改左第一次既密碼就正式可以用


補充:
你交左HK$100後只係用到半年,半年後佢就會起你個戶口到扣除,不過各銀行最平都係佢

你伸請左後仲會比埋電話買賣既資料你


中國銀行網上買賣股票既網:
http://its.bochk.com/

自己帶埋個身分証去便可, 不用收費.
我剛剛先開完無耐.......