慢性腎衰弱..可以點算...

請問你在哪裏看醫生?用作參考!
我的貓貓,剛十三歲,醫生都說她是慢性腎衰竭,要她驗血,驗其他等....要長期食藥,如果到了嚴重的地步便生存機會很微!
但醫生之前估她的尿道或膀胱不正常,要她吃了差不多3個星期藥,食到她的性情大變,有抑鬱似的,不開心的樣子,亦不肯大便,要去醫生到通便....十分痛苦!因為要餵她食藥,令她仲嬲左我!
那時,約2個月前,我決定不再跟進下去,不再去抽血(很痛苦),驗完通常都話驗唔到,又驗其他野!現在,她如常每日一篤屎,不過由罐頭轉食腎濕糧+尿濕糧,現在又跳又跑,又和我sleep,又大食,很好胃口,又日日痾屎!對於十幾歲的老貓,腸郁動慢,日日有屎巳經很好!其實佢對住我先係最開心!
我不是鼓勵你不聽醫生的話,不是叫你不跟進牠的病情,這是我給你的真實經驗作參考用!

我既大隻貓係11月中病咗, 上黎呢度, 見有網友介紹仁安獸醫診所-吳醫生, tel.: 2712 0772(要預約), 地址: 何文田自由道9號地下, 即管去試吓, 點知驗出有腎衰竭, 話您知當時佢既毒素係8佰幾度, 最高試過1100. 要留醫, 仲要吊盬水, 當時我日日去探大隻貓, 有的時候望到佢已經忍唔住喊. 而吳醫生話最壞情況係貓貓會好快離開我, 我想就算貓貓要走, 也要舒舒服服地在家裡離開, 絕不是在冷冰冰的鐵籠內.

係整個留院過程中, 吳醫生將大隻貓既病情解釋得好清楚. 而佢亦唔贊成做手術, 因為真係未必可以救返大隻貓. 吳醫生話腎衰竭呢個病係唔會好返, 希望可以keep住穩定, 只要唔再差落去咁就叫ok. 如果要帶大隻貓返屋企就要每日餵佢食腎病糧同埋食藥, 仲要日日打皮下水, 500cc皮下水約$70. 仲要多d留意佢食野飲水, 大小便既情況. 我都好愛大隻貓, 我唔會放棄, 我同貓貓講希望佢自己都唔好放棄. 大隻貓大概住咗一個星期就出咗院, 連埋留院, 吊盬水, 驗血/尿, 種菌, 照超聲波, 攞藥返屋企, 腎病糧...等等, 當時用咗大概6000元.

已經3個月喇, 大隻貓既毒素先回落到5佰多dd. 吳醫生話佢肯食野, 又識得同貓女打架, 佢既健康情況係ok. 由最初1星期返去覆診, 到而家隔個星期淨帶尿化驗, 1個月就帶貓貓返去驗血, 已經有進步喇!

如果您真係好愛貓貓, 又可以抽到時間去照顧佢, 抽時間既意思係, 您去街唔可以去到好晏, 甚至係唔可以去旅行, 除非有人可以代替您照顧貓貓, 因為每日都要定時定侯餵佢食野, 食藥, 同埋打皮下水. 唔係短時間, 係長期鬥爭, 因為貓貓係您悉心照顧, 是可以活下去, 有網友的貓貓發病至今已4年, 所以我話係長期鬥爭, 您是否願意為貓貓付出??

如果有需要, 可以直接e-mail給我 elsawwh@yahoo.com.hk

祝貓貓早日康復!

2007-03-02 00:07:53 補充：
有網友帶咗貓貓去針灸, 未知效果如何, 我都會帶大隻貓試吓, 有消息再話您知.