我想開個股票戶口

如果你係股票初哥，想學人玩股票，就似乎用銀行好d，一來開戶方便，二來穩陣嘛！如果係股票行，聽出面的人講輝立都唔錯。
如果你去銀行開，建議你去中銀香港/南洋商業銀行/集友銀行 開股票戶口，如果你冇買賣，戶口冇股票，基本上完全冇費用，連 savings 戶口既最低存款額都冇 min balance (因為有股票戶口，所以savings account既最低存款結餘額都豁免咗)

買賣股票既費用：經紀佣金、 0.1%印花稅、0.004%證監會交易徵費 、0.005%香港交易所交易費，咁佣金間間銀行都唔同，中銀集團既收費係:
每筆網上/電話交易(不經人手接聽) commission 係 0.15% (標準係0.25%，一路都話係優惠期內會係 0.15%，個優惠期一路都冇stop，我自己都用左三年)，最低收費 $80 蚊
其他銀行既理財戶有少部份收 0.125%，但係最低收費要 $100 蚊，而且個理財戶要 keep 5-10 萬既存款係度，咁交易金額唔太大，現金唔多既話，中銀都算好抵


股票戶口可以係櫃位/電話/網上買賣股票(要同時要求銀行開埋電話理財功能，之後自己係網上登記啟動)，同個職員講你想開，佢會幫你攪架喇。你去開戶口，就要帶：1. 身份證; 2.住址證明 (一般要三個月內); 3. 錢 (用黎開 saving 戶口)

中銀網上每月都有 500 次免費詳細報價，如果係用簡易報價 ，基本可以任查 ，
詳細報價好好用，有股票既所以基本資料，有新聞，相關認股證、買入/沽出盤之數量/金額、市場成交等等 ....登入網上理財去睇股票資料，大路資料有好多，如：主要指數 (恆指、國企、中企、創業版等)、市場新聞、最活潑港股(成交額、成交量等)，好多資料睇

如果有買賣 (交易金額累計大於 $50,000)，就加 200 次，比多d機會你緊貼市場動勢！


如果你先係一隻抽返黎股票 (一手)，費用都係 100 蚊多d，而且，中銀度度都有，好方便架，開完股票戶連儲蓄存款的最低結餘要求都豁免埋，所以我推介中銀囉，我自己都用緊！

希望幫到你

去中銀啦，我前日剛剛放一手果汁，手續費110元，比我想象中少。

如果你只係得一隻股票喺手,
我建議你去證券行開户口好d,
因為一般銀行都會收你好多各式各樣的手續費,
賣出時手續費又高,
同埋又設有最低收費, 加加埋埋約$300-$400!!!
其實只要搵間有信譽的證券行, 風險是不會大架!!!
仲可以慳唔少潻!!!

我覺得中銀好，因為可以打電話買賣，你係新股便要去分行存倉先，等過左存倉期(好以十個工作天，唔係好記得)，便可以打電話定價位放，都幾方便，你試下啦！