我同屋企人３人，申請公屋０４年７月入表。
包括１位老人家（參加了「家有長者計劃」）揀「市區」，
入左表夠２年之後，上年０６年９月已經入息審查。
想請問：
１．有冇網友揀左市區近來派樓？「市區」通常派邊度？
２．近來市區有冇新公屋村起緊／剛起好？
３．審查完通常要等幾耐先第１次派樓？有長者又快幾多？
我剛有左ＢＢ，但未同老公註冊。
４．請問加ＢＢ或老公個名會否影響公屋申請速度／進度？加左會快Ｄ定慢Ｄ？抑或唔加名好？會否４人申請派得快／慢過３人？
５．加左老公／ＢＢ個名，間屋會大Ｄ嗎？
上年９月入息審查時，主任輕描淡寫咁講：「好快！半年左右上樓」
事隔至今都差唔多半年，不知此話可唔可信…
因為有左ＢＢ心急想有穩定居所，又唔知應否租間大少少既屋暫住，
租屋好貴，又要１年生１年死約，怕隨時會上樓（毀租約蝕按金）。
我搵過社工，但因為我仲有工作，唔可以叫房署幫我「打尖」（體恤配屋）。
求唔好貼房署網頁作答，因現在我唔知點算好…
其實想知道其他輪緊公屋既網友經歷參考作打算～
感謝萬分！
更新1:
hiskitty00：好多謝你咁詳細答我！想再問多少少…唔知你介唔介意？ １）請問你／你老公個細佬會唔會都係「有長者」既申請？ ２）唔知你介唔介意講你地大概審查後隔左幾耐先至派樓？ ３）利東／華富都好似唔係新村，但房署交樓比你時，單位狀況OK嗎？你地搬入去前需要「大執」嗎？
