點樣先可以成為一個成功o既駕駛者 黎乎合考牌官o既要求同標準???

我考牌一take過，結合現在15萬公里行車經驗，話你知考車密技：

＊要放鬆身心！
1.考官未到上車前做些深呼吸動作。
2.調節心理：
a.所有未完既野與考車得失全部唔好再諗，專心應付當前駕車；
b.話真你知，考官take你樣樣都得，1來因全部項目係無完全客觀標準評定既，2來所有學神手車其實完全唔夠料，水過豆腐。所以唔使介意技術夠唔夠，無論佢點take你都要當佢係你fans係度寫筆記，繼續表演埋俾佢睇！

＊要以示範表演方式駕駛！
我估你警覺性並唔低，因新手行車唔似老餅，驚青到暈，何況考緊牌，重唔加零一警覺，有無諗過點解考官唔覺呢？其實好簡單，佢睇唔到你做出警覺個動作lor，明未？
未明？再講清楚d，點解上車時要掂下塊鏡，模下波棍者？就係做俾個考官睇，等佢知你夠安全lor，咁行車時過線時或者出路口轉彎等點至知你夠警覺無，就係睇你有無望鏡打燈同s.c. lor，點解做齊佢都take？因為佢睇唔到你已經做左，打燈就易睇，你對眼望邊佢點睇到？明未？就係當表演舞臺劇咁，動作大d，尤其是眼部動作，就要用埋個頭黎配合，如向前望後鏡，就用埋條頸同個頭lar，誇張d，等佢睇到你既表演！

祝你今次考試過關，演出成功！

紙上談兵，講冇用嘅，不如揾多一個師傅，淨補街鐘，睇嚟您學習冇问题，似係D師傅教得唔好呀！喺呢度100個人答您，都幫唔到您出街表现啦。考試講臨場表現，平日操鐘，師傅一路提點至重要！！

我都係考大球場,不過係拾幾年前,
我第一次考o個日係大跌市,(跌左千幾點)
個考官考o個d人一個都無出過街,就俾佢肥左,
咁到我考,掉頭無事,到泊位,佢話我後左,要肥我,咁我落車睇,睇左都未到條界,
岩岩有第二個考官番,佢就叫第二考官睇,第二個考都話好似未到,
咁佢呢條氣就好唔順咁上番車出街,
咁上左車佢同我講去跑馬地,黃泥涌道就落斜路,
突然佢話我落斜路無意識停車(前面架車同我有成5-6個車位),要我落車佢揸番去,

第二次重考,就係第二個考官,
o個次考真係快到唔信,
可出面好塞車,我考2點4,佢成2點9先番黎,
咁就同之前一樣,掉頭泊位,之後出街,我去到木球會就叫我轉右番轉頭,
咁就pass左.

警覺性同判斷力低 : 你要多d睇鏡同要周時要轉個頭去睇下兩邊既野,

話我未能調整車速以適應交通情況 : 如果有機會就要用下個4波,要停車呢就4轉3波再落腳制,

看你所講嘅,其實你肥佬最大的原因係你太過緊張所致!當阿sir坐係你隔離既時候,你就變僵晒而令到你做每一個動作的效果都不好!!!所以你首先要放鬆先,不要比太大壓力自己,其次再補鐘路面!!!我相信一定有幫助!!!! 希望好快就係馬路上見到你!!!good lucky

你可能揸得好慢好小心,咁樣會影響其他道路使用者.
最緊要係讓路口停車,望清楚再出,前面暢通就轉波加快,
接近燈位就轉定一波,再停車.
開車時要誇張地舉高頭望倒後鏡,大動作咁望兩邊鏡,cut線出路口要回頭望.
記住行車距離約2個車位,前面架車踩brake..你就要減速...

你先要買PS3 再買隻GT5 玩 多D練習
看下game weelky 的攻略