魚的病??

你條魚係患上口綿症 (俗稱爛咀病)

口綿病[即爛咀病]—鰍科魚,孔雀魚或劍尾魚等卵生熱帶魚最常患,病魚口部四周腐爛,有時會附着水黴。嚴重時,咀巴無法關閉,也無法進食飼料。

預防與治療—用黃藥水、滅菌液、水溶性盤尼西林,或用甲基藍、孔雀綠、食鹽等藥浴。

你依家應該先準備另一個魚缸作為醫生缸,將條有病魚撈過去養, 並每日進行藥浴, 就係將上面講過o既其中一種藥水+粗鹽加入水中,份量多少請參照藥水上說明, 然後每日比條魚藥浴2-3小時. 再將藥浴後o既水換走(所以同時間你要準備隔夜水), 連續10日左右情況應該有改善.直至魚魚好番晒先好放番入大缸呀！

你缸魚成日病有好多種原因, 但常見o既就係水溫過低, 水質敗壞等, 但以你o既情況好可能之前有病魚冇隔離處理, 令到D細菌有機會躲藏起來, 等到一旦水質水溫出現問題就發出
o黎, 建議你分開四至五日進行續步換水及大清洗, 換完新水後加入適量粗鹽有助殺菌.

希望幫到你啦！

鱼身有白點