唔知自己想點???唔該幫下我???

男女一齊玩屬正常社交, 妳應該睇開d, 只要唔係玩得好過份(我指係較親暱o既舉動), 都冇乜問題呀, 妳都會同男仔玩o架嘛~

妳指差少少, 可能有以下o既原因:

1) 拍拖3個月, 呢段時間係摸索期, 妳對o既了解唔夠, 所以妳重未o係佢身上攞到安全感.
2) 初初拍拖屬於熱戀楷段, 成日都想見, 佔有欲特別強, 所以妳見到佢同d女仔玩會唔高興.

d女仔對佢有意思唔重要, 最緊要係佢對妳好唔好.

總之o係埋一齊就要坦白一點, 如果佢所做o既事令妳感到煩惱, 妳係好應該同佢傾下. 了解好緊要, 就算妳唔想去了解佢, 都比機會佢去了解妳, 越了解感情會越深 (我覺得)

拍拖係一件好happy o既事, 應該盡量enjoy相處o既日子, 希望我冇講廢話啦~ ^_^

我覺得, 你覺得差少少野咁只係差相處長久後所產生既 "愛" 既感覺. 你同佢開始左三個月, 可能現階段只係好鍾意, 好喜歡, 未去到愛既層次. 愛要時間相處, 付出, 接受, 經歷..等等等等. 比少少耐性呢段感情先~~

佢對你好就梗係值得開心啦, 而佢對其他人好咪代表佢個人緣都唔差丫, 起碼其他人願意接受佢既好. 不過你都同左佢一齊啦, 佢對你既好係出於感情, 佢對其他人既好係出於友情, 佢應該分得清楚. 或者你再留意多o的佢對你同佢對其他人既好都會發覺得到. 不過呢, 係女仔見到自己bf同其他女仔玩都會唔舒服架喇, 不過呢o的都係好正常既野, 只要唔係玩得好過份就可以啦. 你稔下, 呢個世界既朋友, 唔係女仔就係男仔架啦, 唔通佢一世只同男仔玩?? ^^ 慢慢適應呢~

最重要, 都要同佢交談, 溝通, 從而了解多o的佢既想法. 如果唔係只係單方面自己稔, 會好主觀. 萬一有誤會而用行為或言語表達左出黎, 就無謂啦~~

加油呢~

可以講既係
愛一個人唔應該對佢有要求
(即如果佢達唔到妳要求咁妳會唔開心佢又係)
知足常樂
最緊要人一齊開開心心就OK架啦
人天生係不知足...........
自己諗下啦