✔ 最佳答案
我有朋友俾過2隻天竺鼠我, 都養左佢成年, 但後來要搬, 所以送左俾人囉
養2隻好過養單隻架. 因為佢地有時驚時會縮埋一齊, 咁會有安全感d囉.
佢地都會咬人架. 試過有一隻咬到我朋友隻手指流血. 不過就唔係隻隻都咬囉. 睇佢性格既.
傷口亦唔太深, 好快都好返喇!
佢地其實都幾容易養. 有個乾淨既地方. 有乾草乾糧同埋一樽水. 一個禮拜俾一兩次紅蘿蔔或生菜佢地食. 成日食既話佢地d便便會好濕架唔健康.
佢地急就會尿尿架啦! 朋友養既會忍, 但我果兩個唔忍囉. 有時抱住佢地就會濕哂! 抱佢地時一手抱pat pat, 一手抱前身咁樣就ok架啦. 放係大脾度都得架
同埋要幫佢地剪指甲, 如果唔係太長的話就會整傷佢地自己架喇, 但要小心剪到佢地d血管囉
我唔覺得佢地d便便臭既.
同埋佢地都幾容易繁殖添呀. 所以朋友俾我既係兩個男仔. 驚又試太多嘛! 但兩個男仔又時都會打下小交咁囉. 不過無事既.
2007-03-02 09:17:01 補充:
用大量軟木碎墊底, 牠們休息得舒服d....我有幫牠們用水加少少soap洗白白的, 刷下d手仔腳仔. r下佢背脊...不過小心水入耳同眼囉. 沖完記得用風筒吹到大半乾, 再曬曬太陽伯伯殺菌嘛!