見工時好緊張，點算？

見工時緊張好正常，只要你在見工前做多點準備工夫，信心自然會增加，緊張程度也會減少。

準備工作如︰上網或用其他方法check下有關機構/公司的理念、工作方向、發展模式等資料，以便對有關公司有更多了解，也比人有誠意的感覺；另外，你亦要了解你的申請職位的工作內容是什麼，有乜性質...etc.。

當你對申請的工作內容有概念後，你就要諗諗自己有乜優點來配合這份工作，當然，最好也想想自己的缺點，and如何改善，因為僱主都有機會問你有乜缺點。

好多時，見工第一條問題都會叫你介紹自己，這你也可以預先諗定，咁就會答得順暢d；集齊資料，就係見工前搵d朋友幫手做多點role play，預先練習下模擬見工的環境及問題，如果無人幫你練習，也可以試下自己估計僱主會問乜問題，預先諗定d答案。

其實，只要你準備充足，多練習，或者見多幾份工，信心就會自然大增；再不是，每次見工都打定輸算，你自然會輕鬆d架喇！

加油啦，深呼吸後才interview啦，希望你儘快成功。

1) 做好事前準備 (例如資料搜集、公司位置、答案準備等)；

2) 提早出門 (預計早15分鐘到見工的公司)，因為遲到只會令你更緊張；

3) 平常心，正所謂 [東家唔打，打西家]，唔好比自己太大壓力；

4) 見工前先去洗手間，對鏡自勉和作多下深呼吸。

Good luck ;)