是否應該轉工~? 請給我一點意見 10分

講真現在出面的私人公司，大多數老細都鐘意自己啲員工開OT，你越開得耐越好，冇一個唔鐘意。而你現在的人工都有10K + 雙糧 + BONUS 已經係好好。

因為往年的經濟不好，好多大學生出來做嘢都係得嗰8K - 9K附近，仲係有雙糧就冇BONUS，有BONUS就冇雙糧；總知得求其一樣，甚至可能一樣都冇。就會話那年業積不佳，連雙糧或BONUS都CUT 埋。所以你現在的人工已經算係很好啦(不計OT在內)。

如果沒有OT你就未必會有BONUS啦，因為BONUS係只你公司的業積理想與否，才會有OT；一旦沒有OT，就代表你公司的業積不理想，甚至會減少人才；所以有OT有OT既好，冇既你人工又未必有咁多喎。


講到轉不轉工問題：

辭了工再搵雖然係好過一邊做一邊搵，但你要唸一唸你屋企人需唔需要你的家用，如果係需要的，當然一邊做一邊搵啦，雖然你係大學生，但出面社會大把大學生呢，所以你要唸埋這一點。

如果你唔轉工，首先你唸一唸現在份工做得開心與否、人事關係如何、還有沒有機會學習及進昇，如果人事關係好、做得開心又有進昇機會及學習，我建議你繼續做落去。(因為你現在經驗尚淺，不能往往為了一些小事情就覺得灰，而要轉工。)
OT之嘛，每一間公司都會有，而你又唔肯定新公司沒有這樣情況發生喎。如果又係咁，你每一份工都唔會做得長久。所以先考慮現在公司的情形後，再想是否真係要轉工囉。
如果真係要，好似我上述所講，睇埋屋企既情況，OK既咪遲咗搵，係會容易過做住嚟搵。

以一位工作經驗不足的新人有這樣的待遇可算不錯，雖然工作時間頗長，但公司有否給予學習機會呢！每份工作是要投入感情及責任心去做和學習，目前你必需在這份工作上爭取學習來增加經驗以便將來有更好的發展。而且你的表現老闆是會知道，想年尾會有驚喜就加油！
每間公司除了聘請高學歷和有經驗的人外，亦會考慮此人是否有責任感；若你經常轉換工作，到新公司面試時，對方考慮若聘請你，是否你也會很快又轉工呢！
年青人不應該怕「捱」，每個人不捱過那會有出頭呀！
努力繼續這份工作吧！

相信你是一個不想捱的人。有雙糧有花紅算是一份不錯的工了。現在間間公司精簡人手, 每天做到10點, 或最少至7-8點都是濕濕屑的事, 而且公司有生意即年尾花紅都會多啲(希望如此)。工作方面, 多啲嚟, 密啲手啫, 有甚麼所謂。

如果你再轉工, 又是差不多的工作時間, 你又轉工嗎？ 現今做老闆都要OT, 何況你現在還是新丁。

即使你真的要轉工, 應一面做一面揾, 那麼你還有錢在工餘時間吃渴玩欒唱k買衫, 輕鬆下。

你好似我. 前前後後我都轉過唔少工.一年轉好多次都試過.
我比你的意見係, 呢個世界上好少工係理想既. 好唔好其實在於你自己點睇.
每份工都有好也有唔好, 只是你找到一份較為好的, 沒有咁難頂的已經是好工了.

要先辭工還是一面做一面找, 在於你有否經濟負擔, 如果沒有, 辭了集中精神找不妨. 讓精神飽滿地找工, 效果更好.但如果有負擔, 就唔好咁做, 因為心急難找到好工, 只會找到更衰的工.

如果不轉工, 要先改變心態, 學習欣賞工作樂趣. 總不會全部都不喜歡吧.
頭數年轉工, 公司會接受, 但時間一久, 常轉的話, 到後來變較難找工了. 建議就算轉, 也不要轉行業, 否則浪費了時間, 累積不了經驗. 也沒有機會上更高的位置. 祝好運.