哩個問題純粹係我無聊諗出來.... 講 d 野都未必岩~ 請糾正
一個氣球，吹到某一個程度既大小既時候就會因為佢氣球本身壓力分佈唔均衡，而比較薄既地方就會因為氣壓唔均衡而撕裂，繼而爆破
我既問題就係:
上面所講既氣球係唔完美既氣球，氣壓分佈唔平均所以爆破
如果而家假設有一個完美既氣球，成個氣球表面既厚度都係絕對一致，而當空間吹入去氣球果陣氣球表面既每一點承受既壓力都係一樣既話...
當氣球被吹到好大好大好大既時候，層皮會越來越被拉薄...
但係如果個氣球係完美，表皮既厚度係一致，每一點壓力都一樣，佢會爆嗎? 而佢會係點爆呢?
一個唔完美既氣球，當比其他地方薄既表皮超過左壓力裂開，出現缺口既時候，氣壓從缺口衝出外面既時候會逼大個缺口所以個缺口就會沿住果條裂痕擴大開去爆開
只不過係個過程太快我地肉眼睇唔切
但係一個完美既氣球，佢每一點厚度一樣，每一點承受壓力一樣既話，當氣壓超過佢所能成受既壓力時，佢係每一點都同時間超過極限
如果係咁既話... 佢會點爆開?? 每一點一齊爆?? 咁即係爆出黎果陣個氣球會係粉狀..??
一個完美既氣球會爆嗎?
2007-02-28 9:04 pm
回答 (3)
2007-02-28 10:54 pm
✔ 最佳答案
樓下都答得差唔多, 只係想補充少少.其實係現實的情況下, 就會好似樓下咁講咁樣發生, 第一唔會有個咁完美的氣球, 第二係吹入去的空氣一定唔會係even 的. 所以當內部pressure 大過 max. tensile strength (即係內部拉力), 咁果一個位置就會爆啦
但係如果只係從理論的角度出發, 假設個氣球係even 同埋係prefect shpere, pressure 都係even distribution, 咁個氣球就會一路咁大落去, 直到當內裡的pressure 大過 max. tensile strength 的時候, 就會好似炸彈咁由個center 開始爆開, 即係好似你講咁個氣球會係粉狀咁爆. 但係呢個都只係 pure 理論, 係唔可能係現在生活中發生的.
2007-03-01 1:41 am
如果以完美為前提,
同時亦要將外界影響除去,
個人認為個汽球唔會爆.
但係吹到一個地步時會唔可以再脹大.
原因在於我地先假設汽球既面膠係可以絕對平均地被拉開,
咁即係話每一點既力都一樣.
而當汽球到一個大小時,
應該已經將入便既分子既距離拉到一個最遠既地步,
咁應該會見到入便既空氣開始逃走.
因為膠既伸展在於分子與子之間既距離被拉開,
咁分子與分子之間既空間就越來越大,
咁最後空氣應該可以慢慢滲出.
當然, 世上無絕對, 亦有完美. 問題係在於呢個假設, 佢應該唔會爆.
同時亦要將外界影響除去,
個人認為個汽球唔會爆.
但係吹到一個地步時會唔可以再脹大.
原因在於我地先假設汽球既面膠係可以絕對平均地被拉開,
咁即係話每一點既力都一樣.
而當汽球到一個大小時,
應該已經將入便既分子既距離拉到一個最遠既地步,
咁應該會見到入便既空氣開始逃走.
因為膠既伸展在於分子與子之間既距離被拉開,
咁分子與分子之間既空間就越來越大,
咁最後空氣應該可以慢慢滲出.
當然, 世上無絕對, 亦有完美. 問題係在於呢個假設, 佢應該唔會爆.
2007-02-28 9:26 pm
首先，就算是最完美之氣球，都一定會爆。原因是任何物質，都會有其極限，只要超過了其極限，都隨時會爆破。
而其爆破之過程，應該同有缺口之爆破是一樣的，雖然理論上完美之氣球，每一點之抗爆應該是一樣的，但現實是當吹氣入氣球時，氣壓是波動的，而氣球內之氣壓要時間來平衡有關之氣壓差，盡管可能是0.001秒，亦足以構成氣球表面之壓力不平均，爆破就由高壓處開始。
2007-02-28 13:56:44 補充：
泵氣之方式分波動式，直接泵氣內氣球內。或噴流式，先儲存氣壓，再利用氣壓差吹氣內氣球。兩種方式都會引起氣球內之氣壓不平均。
而其爆破之過程，應該同有缺口之爆破是一樣的，雖然理論上完美之氣球，每一點之抗爆應該是一樣的，但現實是當吹氣入氣球時，氣壓是波動的，而氣球內之氣壓要時間來平衡有關之氣壓差，盡管可能是0.001秒，亦足以構成氣球表面之壓力不平均，爆破就由高壓處開始。
2007-02-28 13:56:44 補充：
泵氣之方式分波動式，直接泵氣內氣球內。或噴流式，先儲存氣壓，再利用氣壓差吹氣內氣球。兩種方式都會引起氣球內之氣壓不平均。
收錄日期: 2021-04-25 16:38:14
原文連結 [永久失效]:
https://hk.answers.yahoo.com/question/index?qid=20070228000051KK01209