我想問咩係月供股票呀

月供股票嘅最重要意義係俾人做股票既"零存整付",作為儲蓄性質既長線投資(平均成本型式投資).

如果想要現買現賣賺錢,咁你應該考慮買基金,比較切合你既需要.

唔贊成樓上話佢收得手續費多,又唔係做基金買賣,不如儲夠錢買一手股票既講法.

首先,買基金,除左你見到既手續費之外,其實仲有d費用你係見唔到既(已經響基金單位價格反映左),做基金經理,每次為呢隻基金買賣內含既股票,都會發生一次費用,而呢個費用會響基金價格裡面反映左,一般投資者係見唔到既,所以點解好多低風險既基金會跑輸大市,而同理,高風險既基金既回報係同所冒既風險唔成正比既(你願意冒呢個程度既風險,個市好,你應該可以有20%既回報,就係因為你個基金經理,幫你隻基金買買賣賣,你只可以收到10%回報,其他賺到既錢都俾左做交易費用).

其次,如果你想買大藍籌,假設係匯豐,假設你一個月儲三千,你要儲一年半先可買一手,一年半你已經損失左好多價格回報同埋股息,佢收你多2%既費用,只係一次性既,即係你可能損失左半年既利息,但係,你可以早d有股票響手(只係唔夠一手),可以享有價格回報,同埋股息(一般情況下,股息收入係會多過銀行利息...你自己計下邊樣著數啦.

我唔係話月供股票有幾好,但唔會一面倒咁批評,更加唔會話邊樣投資一定好過佢,佢係有一定既優點,適合一d希望穩陣,又唔夠錢成手成手買大藍籌既長線投資者,當然唔適合想賺快錢既人.

樓上已經 COPY 了滙豐的宣傳單張, 我不重復了, 他的解釋是正確的.

但樓上卻忘了 COPY 收費一欄, 月供股票的收費為 0.5~2% 不等, 本來也不算太貴, 但係卻有最低收費 $50, 如果你月供 $1,000, 你每月剩係比手續費已經無左 5%.

有一點要留意, 銀行們只是幫你買股票, 完全無基金買賣技巧成份, 還是收你比一般股票高的手續費, 所以本人絕不建議你幫襯這些月供計劃.

我的建議是, 選一只股票, 儲夠錢就買一手, 這已經等於那些銀行的月供計劃, 但係你所付出的費用就少很多了, 平均慳 2 ~ 4.5%.

如果你是初哥, 我建議從兩只股票基金作選擇, 2800 盈富 或者 2828 H股指數基金, 如果你諗住長放的話, 我建議你買風險及回報都較高的 2828, 2800 則為風險及回報較低的選擇.

一手2800大約需要 $10,000
一手2828大約需要 $18,000

股票月供投資計劃有甚麼優勝之處？
匯豐的股票月供投資計劃，讓您以每月供款方式建立投資組合；更可藉定額投資，享受較低平均購入價，兼享股市上升帶來的潛在增值。

特點
投資不需巨款
每月只需供款港幣1,000元，即可購買指定的香港上市股票及基金。更多
減低市場波動的影響
透過「成本平均法」，您可以貼近投資期內的平均價購入心水股票，而毋須擔心市場波動。 更多
靈活方便
您可以隨時增加或減少每月供款、調配投資組合、及賣出股票。