你地覺得呢個女人講既係咪真呢?

如果a係我朋友，我一定會叫佢離開個女人。

除非a的條件好差，如果唔係唔太需要搵一個大自己咁多的女人，而且好明顯個女人如果係有夫之婦而且有個小朋友，佢出邊有男朋友已經唔係太好。如果將來真係一齊，點去面對這個小孩呢?

我有一個表哥後生時(22歲)唔聽家人勸，同一個大自己十多年、有一個小朋友(6歲)的女人拍拖。開頭家人，不斷勸佢同佢講個女人唔會真心鐘意佢，只係個女人同丈夫一時意氣，要時間冷靜。但個女人當時都叫我表哥等佢，佢老公會搬走，遲d會做埋離婚手續。其實，佢ge 家人已經知道個女人用意是希望老公離開後都可以繼續維持生活，不過當局者迷，我表哥完全不理家人反對搬到女人的家中。女人的老公在表哥搬入去之後，的而且確搬走左，留下女人的孩子和表哥同住。

起初都好似幾好ge，有一個家庭的模樣。表哥負責做野搵錢，個女人就留在家中照顧家庭。但過了唔夠半年，問題開始出現，從小孩口中得知，原來他的爸爸搬走後，一直都有和女人保持聯絡，有時還會在表哥返工時偷偷回家，而且次數也不少，我估傻ge都知咩事啦! (如果要傾野，可以透過電話，或者約出街) 於是，表哥有一次假借外出返工查看一下，點知最不想的事情發生左，一男一女衣衫不整係一間屋裡面，你話唔通做體操咩! 表哥見到咁，都無野好講，諗住攞野走啦~點知個女人從施故技，用花言巧語留住我表哥。隔左無耐，個女人就話有左表哥個BB，當時表哥諗住個女人都係一時俾丈夫迷惑，所以原諒左個女人。其間，個女人都好安份守紀。後來BB出左世之後，表哥先知個女人係一個咩野人。女人丈夫以間屋係業主為由，搬左番來，又話要收番租。起初表哥緊係唔想啦，但的而且確間屋係佢GE，無辦法自己又無能力搬出去住，唯有勉強交住租先。結個咪一間屋住左兩家人，個女人丈夫唔使做成日留在家同個女人一齊，我表哥就不斷出面搵錢養家囉。
而家，表哥個仔都成8、9歲，表哥三十出頭已經好似步入中年的五十多歲阿伯，成個人好似無咩目標同見唔到佢有笑GE 時候。

如果，當時表 哥肯及早抽身，可能都未至於都今天的情況，老實講男人到了三十歲才結婚不更好咩! 有經濟基礎，起碼可以選擇一些比自己年青的女朋友~~

意上係我的個人意見，或者a的女友並不是這樣，但我覺得我表哥的情況都可以比a作一個參考，因為而家唔係兩個人的問題咁簡單，而係兩個家庭一個小孩的問題，應該考慮清楚，正所謂害人之心不可有，防人之心不可無。小心為上。

SHE IS A LIER...

我只係聽過報細未聽過報大啊，可能我見識少啦。
我覺得個女人只係當a係一個可以抖下既地方。

咁佢老公咩人?(60幾歲?)
佢d仔女第時又點?
好明顯依個女人找"水泡"
祝你個傻仔朋友好運

我覺得個女人大話連篇！根本存心欺騙！

話比一年時間佢？等佢？等咩呀？
佢會離婚咩？佢個仔又點呀？

佢一開始就呃你朋友，依家穿咗就話等佢 ...
根本就係拖字訣！

仲無聊到話為咗來香港而報大歲數，
雖然有咁既可能，但係報得幾大呀？
唔好當移民局的人都係白痴吧？

叫你個朋友諗通d啦，唔好信一開始就呃人既人呀！

其實好難講，我角得女人係唔會浪費自己時間同一個你唔想再佢一齊ｏｒ唔中意佢既人身上面．．我認為個女仔唔係唔中意你朋友既，而係人地真係有一頭家～如果你朋友係想同個女人以後一齊既，我認為你朋友唔好再浪費時間落個女人到啦，個女人話乜野傾小朋友既事．．其實都係藉口！我以前個男朋友成日都話搵佢老婆係因為個仔啦！！佢如何想同佢老公維持落去～個女人一定唔再去佢老公屋企過夜～係１００％～～～～
點都好．．．２個人一齊開心～唔好唸咁多就ｏｋ啦～