請大家幫吓我可以嗎?教我可以點做?關於英文,多謝晒你地d哥哥姐姐

我以前都好似你咁, 一見到D鬼佬就會好驚
因為唔識同佢地溝通, 所以通常都唔出聲
雖然我而家D英文都唔係好叻, 但係普通對答都無問題
可以同你分享一下, 睇下幫唔幫到你啦~~

其實我好羨慕你可以成日同D外國人接觸架!
我由細到大都好想可以識到外國的朋友, 好想可以學好英文, 但係根本就無機會
但係幾年前ICQ比較流行時, 其他人多數用ICQ黎識朋友, 可能會約出黎去街
咁我初頭就用ICQ黎練打字, 如果想練中文就同香港朋友傾, 如果想練英文就一定要同外國人Chat啦~~
最初就真係為打字而玩ICQ, 但係傾得多左, 同D外國朋友熟左之後, 我先發覺原來自己的英文亦同時慢慢咁進步緊
咁初頭我只係識打下招呼, 打下好普通的英文句子, D外國人打一個message過黎好可能我會有好多字唔明, 咁我就即刻上網查字典
咁日子耐左, 你識的英文生字都會多左, 查字典的時間相對少左

再過多一段時間, 同某幾個外國人再熟D, 咁就裝埋Web Cam同埋Head-set, 就開始練聽同講喇!
我初頭都唔敢架, 我都同D鬼仔講, 話我英文唔好, 我怕聽唔明佢地講咩
但係佢地都會鼓勵我, 話我同佢地ICQ都幾好丫, 叫我放膽講, 佢地唔介意, 仲話咁當佢教我英文, 我教返佢講廣東話添
開始時真係聽唔明, 咁我一唔明就叫佢將句說話用message打俾我, 就係咁慢慢練

而家我仲轉左間外國公司, 多左機會同外國人傾計, 其實你都唔需要咁驚架
好多鬼佬都好Nice, 唔會話覺得你唔識講英文而睇你唔起
我明白你驚乜, 就係驚人知道你唔識, 怕瘀所以唔敢講
其實我成日都覺得: 車! 唔識咪唔識囉! 又無人一出世咩都識! 我今日唔識唔代表我聽日唔識! 當我識左之後我仲要叻過你!

最後一句: 有心真係唔怕遲! (唔好再俾藉口自己, 只要你想做就會做得到! 加油呀!!! )

你可以去d 成人補習班補英文，or 叫你d fds 幫你練習speaking.
There are some 成人補習班補英文 in this web site. You can have a look.
http://www.eci.edu.hk/adult_eng.htm