有關胃痛問題......十萬火急.....thx!!!

你個fd 應該做個 胃鏡 睇下,
因為, 做胃鏡可以幫助睇下, 到底係胃病定係十二指腸病,
係發炎, 定係潰瘍,
有冇其他問題等等~
胃病冇話冇得醫ge...
有專門俾胃/十二指腸發炎的藥物, 可以止到痛 (不是一般的止痛藥, 要注意),
所以, 搞清楚係咩事後, 應該可以治療的.

當然, 你個fd 係應該先睇睇醫生, 確定一下係咪真係 胃十二指腸的疼痛,
至去決定是否做胃鏡啦~

酒精, 辣野, 都係刺激性ge食物, 對有胃腸病的人, 都係十分忌諱的,
所以, 有胃痛的人, 最好唔好食呢類食物,
另外, 油膩野都唔係太好.
當肯定左你個fd 真係胃/十二指腸病導致時, 先可以知道食咩食物會好d.
對胃病(胃炎等)而言, 進食往往不會改善症狀, 因為胃炎本身好多時係因為胃的酸度不足,
消化食物困難所致, 有時係因為胃表面損左, 進食亦唔會有太大改善,
都係食相應的處方胃藥會好d, 亦有部份人係需要胃動力藥物的.
而十二指腸發炎呢, 通常係胃十二指腸d 酸度較高所致, 會係肚餓時痛多d,
夜晚黑痛多d, 呢種情況, 可以食野黎幫助下.
能耐受牛奶ge人, 可以飲溫暖ge牛奶黎中和胃酸啦,
另外 熱的湯啦, 粥啦, 都可以有幫助, 有時候溫開水都可以有幫助咖~
另外, 可以食少少梳打餅啦 (非油炸的喔) , 亦有幫助~
不過, 發炎好犀利的話, 或者係十二指腸潰瘍的話, 都一樣係要食醫生處方的藥物至得咖,
唔好諗住自己搞掂就算數~

奉勸一句, 最好都係睇醫生chk 真d, 唔好估估下,
因為同樣係個肚的問題, 但係 胃 / 十二指腸 / 肝 / 膽 / 大腸 等等,
治療方案全然不同, 所以, 留番俾醫生去診斷會好dd~~

2007-03-01 23:52:59 補充：
胃潰瘍的話, 仲係乖乖食藥, 可以埋口的 (潰瘍就好似一個傷口咁), 食物方面, 冇咩可以幫到佢.飲牛奶主要係睇病情, 同埋對牛奶的耐受情況, 因人而異, 不是絕對好, 也不是絕對壞.但你朋友的情況, 就不合用!