大方得體的辭職理由？

其實你唔須要諗太多野架，出來社會工作越耐，慢慢就會習慣公司員工 "人來人" 往架啦 ... 我估你上司應該習慣架啦 ~

講真，除非你老闆好憎你，想你早走早著重好外，其實每一個上司當你話比佢知你要走時，佢都會禮貌上點都問下你點解要走 & 再比時間你考慮，如果你係唔會再因任何理由或條件繼續做既話，你可以同佢講:

因為已經係公司做o左一段時間，所以都想轉換一下環境，同埋因為自己本以前修讀 xx 科，所以好想趁自己重後生，向番果方面法展，希望可以實現到自己既理想。(咁樣你上司會覺得你係個有理想有目標既人)

如果佢問你任何咩係唔係做得唔開心呀，人工呀等等 ...

你可講其實走既原因都係因為頭先所講，並唔係做得唔開心或人工低等等 ...

你重要講，其實你要多謝公司會比機會你係到做，而且亦都比到好多經驗自己，亦都要多謝你上司一直既照顧同埋教道，而且同事相處得好好，好開心，其實自己都考慮o左好耐先有咁既決定，但人緊係有自己既理想，所以最後先作出咁既決定。

(可能有o的人會覺得好假，但記住人一定係鍾意聽好既說話) 如果佢係一個好既上司，佢應該唔會阻你既前路。

講真，除了因為你要拿份推薦信外，其實外面好多公司由其大公司，亦會 check 你係舊公司既表現，所以走既時間真係要大方我體，好來好去，因為日後你亦有好多時要求舊公司幫手 ...

希望幫到你 !!

以上那位人兄，第一點的答案是「錯」的。

1. 如果你的顧傭合約寫明要一個月通知期的話，你想做埋 3 月 31 日的話，就可以係 3 月 1 日早上遞信辭職。但如果你想做到 3 月 30 日， 3 月 31 日唔需要返工的話，你就要係 2 月 28 日早上遞信辭職了。以上那位人兄話可以放晒啲大假，變相早啲走，其實係唔得既。勞工法例寫明，通知期是不可以用大假抵消的，你遞左辭職信後，就唔可以請大假架啦！當然，你可以試下同老闆傾用大假抵消，俾你早啲走，不過佢唔願意的話，你都無符。

2. 如果你唔想得罪老闆，又或是覺得將來仍然可以有往來，想 keep 住好關係的話，你用既理由最好係私人理由。例如﹕老公或屋企人搞生意，想你去幫手。自己同朋友夾份開舖頭賣衫，所以要辭職去睇舖。這些理由既得體，老闆聽左之後都無得迫你留低，加上日後你搵過第二份工俾老闆知道左，你都可以話老公、屋企人、舖頭生意上左軌道，請左個人去替你。

3. 當你用左以上的理由，老闆就唔會再問你「你做得唔開心咩？」、「做左咁耐點解而家先諗住走呀？」、「人工岩岩加左咋喎，仲想唔做呀？」.... 等等。不過，你一定要先組織好晒你用咩理由，例如你話老公、屋企人....開舖頭搞生意，你要諗定係咩生意，地方大概係邊區.....等，費事老闆問起既時候答唔出。

4. 如果你想老闆對你印象仍然良好，你可以係遞信時表現得唔捨得，做到覺得呢個老闆真係對你好好，你都係迫於無奈先要辭職，你甚至可以主動同老闆講，如果佢將來有咩需要你返黎幫手，你好樂意收舖 or 放工後回來幫他手。至於封 reference letter，我建議你可以自己打好一封 '靚仔' 既，然後 print out 出黎請老闆幫你簽。假如你遞信時做場「戲」做得好的話，老闆通常都會好樂意幫你簽封信的。

p.s. 做場「戲」時，唔好太誇，淨係表現到感謝老闆對你咁好就得，千其唔好表現到公司好好，喺公司學到好多野，福利好好，前途好....等。因為公司好唔好，有無野俾你學，福利好唔好，老闆自己好清楚，你做得太誇張，老闆反而會反感，唯獨老闆對你好這一點，係你心中感激，個個老闆都覺得自己唔炒個員工就已經好好。




2007-03-03 10:37:20 補充：
個人應為﹕如果係大公司的話，一般老闆或上司都已經習慣 '人來人往' ，所以即使你照直講話想搵份更好既工，老闆都唔會阻你前途。但...由於你係細公司，每個員工的變動都會直接影響公司的運作，所以你就算講到幾咁有理想，希望進修又或在自己既興趣上繼續發展等，老闆都唔會體諒，她的著眼點只會顧及自己公司的利益。因此，無論你用任何理由，你老闆都一定會唔開心，宜家做既野，只係希望將佢既唔開心減到最輕，用最好的理由安撫她，令她不太難為你吧了。