求職架吾該幫幫我吧

✔ 最佳答案

PIZZA HUT 請人要求其實最少16歲（但要監護人寫信），但要視乎你見嗰一間PIZZA HUT 等唔等人用，當然有得簡就唔會簡啲咁細年齡（怕唔定性，做事唔認真）而且外表要正常（唔係靚唔靚，一般待應外青要端莊，唔可以古靈怪，如釘唇環，染到個頭五顏六色等）在見工時，說話要大方有誠意（唔會比人覺得玩玩吓），而見工時間最好係星期一至五（3:00-6:00pm）比較少客人．而在中七 a-leve 考試完會比較多人見工，所以你要在避免在近暑假時見（多人選擇，機會便少）

俾多個TIPS你～～一般見工的問題會問你......
1. 知唔知侍應既工作做啲乜?(即係又話叫我睇下其他餐廳D人忙o個陣做D咩得閒o個陣又做D咩及工作程序)
唔好求其話幫客人點菜,清潔算數,呢啲係一都知,如果你有啲朋友做侍應你叫佢話你知,除咗眼見嗰啲工作仲有咩係要做.例如客人黎到門口直至走,你會做過啲乜,冇客就要做清潔工作,如調味品,擺設, fill 返啲繁忙時的用品,如紙巾,刀叉......

2.如果同一時間有好多野做,例如有人問你拿調味品,有客人叫落單,有客人叫結帳,仲見到有客人企係門口,你會做咩先~???
你答案係找人幫手先,因為侍應係群體工作,要多人合作,如果當時真係冇人,咪口頭上應咗客人,令客人知道你有理會佢,之後叫咗門口嗰客人入黎(可令公司多啲收入) 順路咪拿調味品,之後叫收銀幫手結帳,最後同客人講唔好意思,同客人落單

3.如果客人發現食物有虫虫或飲品有異物,你會點算??
無論點都好,問咗客人有冇事先,令客人知你關心佢,令佢冇咁好火,之後盡快拿走有事食物,問客人想要轉其他食物,還是要返原本的食物.......之後盡快拿走有事食物給經理,同詳細說給經理聽頭先情況,等經理再作安排,例如discount,送甜品等.....

4.你認為做侍應要咩條件??
如有笑容,細心,了解客人需要,要EQ高,要有忍耐力........接受到長時間工作(因要返成十多小時),可接受假日人人開心,但自己都要返工的現實........舉下例子,令自己答案豐富的~~~

一般都係工作日常見到的,不用担心,只要細心留意問題,眼神要有信心,有笑容 ,有笑容 ,有笑容 ,有笑容 ,有笑容 ,有笑容 ,有笑容 ,有笑容 ,有笑容 ,有笑容～～最重要有個充滿信人的笑容 ~~~!!!!!!!!!!

2007-03-05 18:47:50 補充：
請問koey_cheung05 Call 邊間pizza hut 架~ 我朋友係pizza hut 人事部工作,佢話係16歲便可, 而且我係Pizza Hut 做過Part Time,好多同事都細過18歲

求職架 吾該幫幫我吧

回答 (2)